Namanganda xonadonlardan biri 3,2 mlrd so‘mlik elektrdan noqonuniy foydalanib kelgani aniqlandi, deb xabar bermoqda “Hududiy elektr tarmoqlari”.
Unga ko‘ra, “Hududiy elektr tarmoqlari” AJ Energosavdo filiali Namangan bo‘linmasi tomonidan energiya resurslarini talon-toroj qilish holatlarini aniqlash va tegishli choralar ko‘rish yuzasidan hududlarda bir qator reyd tadbirlari o‘tkazilmoqda.
Xususan, reyd tadbirlari davomida Namangan shahar “Gulpora” MFY hududida joylashgan fuqaro A.O.ga qarashli xonadonning elektr energiyasidan foydalanishi ko‘rikdan o‘tkazilganda, elektr hisoblagichdan tashqari holda foydalanib kelayotgani aniqlandi. Tegishli tartibda mazkur holatga yuzasidan dalolatnoma rasmiylashtirilib elektr ta‘minotidan ajratildi.
Mazkur aniqlangan noqonuniy foydalanish holatiga 3,2 mlrd so‘m hisobga olinmagan elektr energiyasi qiymati qayta hisob-kitob qilinib, to‘plangan hujjatlar huquqni muhofaza qiluvchi organlarga yuborildi.
Bunday holatlar soni ortib bormoqda
Avvalroq Samarqand viloyatidagi korxonalardan biri 553 million so‘mlik elektrdan noqonuniy foydalangani aniqlangandi. Shu bilan birga, Qashqadaryoda 177 mln so‘mlik gaz va “svet”dan noqonuniy foydalangan shaxslar ushlangani xabar qilingandi.
Shuningdek, Qashqadaryoda elektrdan noqonuniy foydalangan korxona davlatga 1 mlrd so‘mdan ziyod zarar yetkazgan. Bundan tashqari, Toshkent, Samarqand va Qashqadaryo viloyatlarida energiya resurslariga noqonuniy ulanish holatlari fosh etilgandi. Shuningdek:
- Buxoroda 1,2 mlrd so‘mlik elektrdan noqonuniy foydalanilgani aniqlandi
- Qoraqalpog‘istonning uchta hududida 845 mln so‘mlik gazdan noqonuniy foydalanildi
- Buxoro va Jizzaxda elektrdan noqonuniy foydalanganlar 360 mln so‘mdan ziyod zarar yetkazdi
- Uchta viloyatda qariyb yarim mlrd so‘mlik gazdan noqonuniy foydalanildi
- Sirdaryodagi korxona 2,1 mlrd so‘mlik elektrdan o‘g‘rincha foydalangani fosh bo‘ldi
- Toshkent va Andijonda 1 mlrd so‘mlik elektrdan o‘g‘rincha foydalanilgani aniqlandi
Izoh (0)