Наманган вилоятининг Косонсой, Андижон вилоятининг Шаҳрихон туманлари, Сирдарё вилоятининг Гулистон шаҳри ва Хоразм вилоятида энергия ресурсларидан ноқонуний фойдаланиш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Маълум қилинишича, Косонсой туманида “К.З.” МЧЖ раҳбари А.А. корхонага тегишли сув иншоотини умумий фойдаланишдаги электр тармоғига тижорат мақсадида ўзбошимчалик билан тўғридан-тўғри улаб, 334 млн сўмлик электрдан ноқонуний фойдаланган.
Шунингдек, Гулистонда фуқаро А.А. “Янгиҳаёт” МФЙдаги хонадонда газ жиҳозларини умумий фойдаланишдаги газ тармоғига яширин равишда уланиб, 151,9 млн сўмлик табиий газдан ноқонуний фойдаланган.
Шу билан бирга, Хоразм вилоятида “О.Й." оилавий корхонаси масъул шахслари корхона электр жиҳозларини умумий фойдаланишдаги электр тармоғига тижорат мақсадида тўғридан-тўғри улаган. Натижада 137,7 млн сўмлик электрдан ноқонуний фойдаланган.
Бундан ташқари, Шаҳрихон туманида ЯТТ “Т.А.” умумий овқатланиш шохобчасида умумий фойдаланишдаги газ тармоғига тижорат мақсадида тўғридан-тўғри уланиб, 102,7 млн сўмлик табиий газдан ноқонуний фойдаланган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
Шу каби ҳолатлар
Самарқанд вилоятидаги корхоналардан бири 553 миллион сўмлик электрдан ноқонуний фойдалангани аниқланганди. Шу билан бирга, Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган. Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди. Шунингдек:
- Бухорода 1,2 млрд сўмлик электрдан ноқонуний фойдаланилгани аниқланди
- Қорақалпоғистоннинг учта ҳудудида 845 млн сўмлик газдан ноқонуний фойдаланилди
- Бухоро ва Жиззахда электрдан ноқонуний фойдаланганлар 360 млн сўмдан зиёд зарар етказди
- Учта вилоятда қарийб ярим млрд сўмлик газдан ноқонуний фойдаланилди
Изоҳ (0)