Andijon viloyatining Shahrixon tumanida suyultirilgan gaz taʼminotidagi qonunbuzilish holatlarini aniqlash bo‘yicha reyd tadbirlari o‘tkazildi. Bu haqda “Hududgaztaʼminot” AJ matbuot xizmati xabar berdi.
Maʼlum qilinishicha, “Shahrixontumangaz” gaz taʼminoti bo‘limi chilangari J.X. o‘ziga biriktirilgan maxsus avtotransport vositasini o‘zboshimchalik bilan boshqargan holda, aholi isteʼmolchilariga tegishli bo‘lgan suyultirilgan gazni tuman gaz bo‘limida qorovul vazifasida ishlovchi A.T. bilan birgalikda tarqatish jarayonida belgilangan yo‘nalishdan chetga chiqib, noturar bino hududiga olib kirib tushirayotgan vaqtida to‘xtatilgan.
Mazkur binoda jami 155 dona maishiy gaz balonlari yong‘in xavfsizligi qoidalariga zid ravishda noqonuniy saqlab kelinayotgani aniqlandi.
Shuningdek, 1 dona elektron tarozi, avtomobillarga propan gaz o‘tkazish uchun maxsus moslashtirilgan 2 dona rezina shlanglar va og‘ir qoldiqni to‘kib olib saqlash uchun mo‘ljallangan 10 dona plastmassa idishlar borligi maʼlum bo‘ldi.
Holat yuzasidan dalolatnoma tuzilib, barcha hujjatlar huquqni muhofaza qiluvchi organlarga taqdim etildi.
Noqonuniy tarzda saqlangan maishiy gaz ballonlari
Andijonda jami 212 ta suyultirilgan gaz ballonlarini noqonuniy ravishda saqlagan xonadonlar aniqlangandi.
Izoh (0)