Polshaning Sexanov shahrida yashovchi ayol turmush o‘rtog‘i uyni yig‘ishtirmagani sababli politsiyaga shikoyat qilgan. Bu haqda mahalliy politsiya boshqarmasining rasmiy veb-saytida ma’lumot berilgan.
39 yoshli ayol favqulodda xizmatga qo‘ng‘iroq qilib, oilaviy mojaro haqida xabar bergan. Voqea joyiga yetib kelgan politsiya xodimlarining aniqlashicha, murojaatchiga hech qanday xavf tahdid solmagan, u bilan birga yashovchi erkak ham unga zarar yetkazish niyatida bo‘lmagan.
Ayolning tushuntirishicha, turmush o‘rtog‘i uy ishlarini bajarishdan va xonadonni yig‘ishtirishdan bosh tortgani uchun u bilan janjallashib qolgan. Asossiz chaqiruv uchun ayolga 500 zlotiy (taxminan 1,6 million so‘m) miqdorida jarima solingan.
Izoh (0)