IT Park University talabalari IT-mahsulotlari ishlab chiqish bo‘yicha jahon yetakchilaridan biri bo‘lmish, EPAM kompaniyasining yevropa ofislarida ish qanday yo‘lga qo‘yilganini guvohi bo’lishdi, shu bilan birga, bir qator seminar va treninglarda qatnashishdi. Safar universitet tomonidan to’liq moliyalashtirildi.
Aprel oyida, IT Park University’ning 8 nafar 1-kurs talabalari Litva va Polshada amaliyot o‘tashdi. Ishtirokchilarni akademik natijalari va motivatsion videolariga asoslangan holda saralab olishdi. Amaliyot universitetning hammuassis-kompaniyasi EPAM ofislarida bo‘lib o‘tdi. IT Park University Prezident Shavkat Mirziyoyev topshirig‘iga binoan, xalqaro darajadagi IT-mutaxassislarni tayyorlash maqsadida tashkil etilgan.
IT Park University amaliyotga yo'naltirilgan universitet bo'lganligi sababli, uning talabalari birinchi kursdanoq amaliyot o'tashni boshlaydilar. Eng yaxshi talabalar uchun EPAM’ning Yevropa va Amerikadagi ofislariga tashrif buyurish imkoniyati mavjud.
Umid Qo‘chqorboyev, talaba:
— Bir yil avval, taklif etilgan mutaxassisliklar manzur bo’lganligi tufayli, IT Park University’ga o’qishga kirdim. Xususan, men back-end ishlab chiqish bilan shug'ullanmoqchiman. Bu yerda o’qish qiziqarli. Har dushanba psixologik treninglar o’tkaziladi, shanba kunlari futbol o'ynaymiz, shuningdek, muntazam ravishda kibersport mashg'ulotlarini o'tkazib turamiz. Men - IT Park University kibersport klubi prezidentiman.
Amaliyot Polshaning Krakov shahrida bo‘lib o‘tdi. Bu mening chet elga bo’lgan birinchi safarim. IT-mutaxassislarining hayotini ichkaridan ko'rish qiziq bo’ldi. Endi men ajoyib mahsulotlar ustida ishlash uchun, malakali dasturchi bo'lishni yanada ko’proq xohlayapman.
Workshop’lar va seminarlarni olib boruvchilar EPAM amaliyotchi-mutaxassislari bo’lishdi. Topshiriqlar ustida talabalar internatsional jamoalarda ishlashdi. Amaliyotga O‘zbekiston, Litva, Polsha, Belarus, Ukraina, Rossiyadan vakillar tashrif buyurishdi.
Javohir Mahkamov, talaba:
– Dastlab men Koreyadagi universitetga o‘qishga kirdim, u yerda “Biznes menejmenti” yo‘nalishi bo‘yicha o’qidim, lekin keyin mutaxassisligimni o‘zgartirishga qaror qildim. Men IT Park University’ni tanladim, chunki bolaligimdan IT’ga qiziqish bor edi va bu yerda darslar ingliz tilida olib boriladi. Yana bir muhim tarafi: masofaviy va erkin tarzda o'qish mumkin. Meni Farg‘onada ishim bor, uni tashlash niyatim yo’q. Moslashuvchan jadval va gibrid ta’lim shakli tufayli men universitetdagi o'qishimni va ishimni birgalikda olib bora olaman.
Amaliyot - bu EPAM’ning kuchli mutaxassislari va boshqa mamlakatlarning eng yaxshi talabalari bilan tanishish imkoniyatidir. Men uni Vilnyusda (Litva) o’tadim. EPAM ofisidagi fayzli va do'stona muhit yoqdi. Workshop juda foydali bo’ldi, uning davomida EPAM School of Digital Engineering direktori, project-menejeri va HR menejeri eng ommabop IT yo‘nalishlari haqida batafsilroq aytib berishdi.
Talabalar SQL|Database, sinovdan o’tkazish, Java, Python, biznes-tahlili, Agile, Frontend, soft skills, DevOps bo‘yicha seminarlar, hakatonlar, treninglarda qatnashdilar.
Umid Qo‘chqorboyev, talaba:
— Menga eng yoqqani, Java bo‘yicha seminar va tizimlarni qo‘lda va avtomatlashtirilgan sinovdan o‘tkazish bo‘yicha o‘tkazilgan trening bo’ldi. Java-workshop’da bizning jamoamiz qahva mashinasi uchun konsol ilovasini ishlab chiqdi va sinov paytida biz saytdagi nosozliklarni izladik. O'qituvchilar materialni qisqa va aniq tushuntirib bordilar.
Javohir Mahkamov, talaba:
— Ayniqsa, Java bo’yicha hakaton esda qolarli bo’ldi, biz universitetda aynan shu dasturlash tilini o‘rganyapmiz. Hakaton doirasida bizning jamoamiz mashhur “Ilon” o'yini uchun algoritmlarni yaratdi. Boshqa talabalar bilan o’zaro aloqa qilish va bilim almashish qiziqarli bo'ldi. Bundan tashqari, agile bo'yicha trening ham yoqdi, ilgari bu atama bilan tanish emas edim. Ushbu treningning vazifasi, ishni jamoa a'zolari o'rtasida eng samarali tarzda taqsimlash orqali pitseriya ochish edi.
Garage EPAM - g‘oyalar sinovdan o‘tkaziladigan, prototiplar yaratiladigan va novatorlik konsepsiyalari ishlab chiqiladigan laboratoriyasiga ikkala guruh ham tashrif buyurishdi. Bu yerda garaj startaplariga xos bo'lgan erkinlik va tajriba ruhi hukm suradi.
Amaliyot dasturi madaniy tadbirlarni ham o’z ichiga olgandi – Vilnyus, Krakov va Riganing tarixiy tumanlariga ekskursiyalar, Litvaning Trakay shahriga sayohat. Shu bilan birga, talabalar Litvadagi Yevropa Gumanitar universiteti va Polshadagi Fan va texnologiya universitetiga (AGH) ham tashrif buyurishdi.
Itpu.uz saytida IT Park University’ning imkoniyatlari haqida batafsil ma’lumotga ega bo‘lishingiz va o‘qishga kirish uchun ariza topshirishingiz mumkin.
Telegram-bot: itpu_bot
Instagram: itpu_uz
Ma’lumot uchun telefon: +998-55-503-99-99
Reklama huquqi asosida
Izoh (0)