Germaniya Harbiy-havo kuchlari (HHK) qiruvchi samolyotlari Boltiq dengizi ustida noma’lum samolyotni kuzatib bordi. Bu haqda Germaniya mudofaa vazirligi rasmiy vakili Natali Yenning ma’lum qildi.
“Tasdiqlashim mumkinki, kecha Germaniya HHK samolyotlari aynan noma’lum samolyot Boltiq dengizi ustidagi xalqaro havo hududida parvoz rejasisiz va transponder signalisiz uchgani sababli havoga ko‘tarildi”, dedi vazirlik vakili.
Yenning qo‘shimcha qilishicha, samolyot aniqlangach, nemis Eurofighter’lari uni identifikatsiya qilgan va shundan so‘ng kuzatib borgan. Germaniya mudofaa vazirligi vakilining so‘zlariga ko‘ra, havo kemasi NATO yoki Germaniya havo hududidan uchib o‘tmagan.
Bir kun avval Bild gazetasi Boltiq dengizidagi Ryugen oroli sharqida Rossiyaning Il-20M samolyoti paydo bo‘lgani sababli Shimoliy Atlantika alyansi qiruvchi samolyotlari osmonga ko‘tarilgani haqida xabar bergan. Mualliflar qo‘shimcha qilishicha, havo kemasi go‘yo radioaloqaga chiqmagan va transponderlar o‘chirilgan holda harakat qilgan.
Bundan oldin rossiyalik diplomat Rossiyaning Boltiq dengizi mintaqasida NATOga qanday qarshilik ko‘rsatishi haqida ma’lumot bergandi.
Izoh (0)