Ukraina front chizig‘ini Rossiya armiyasidan himoya qilish uchun kamida 60 ta qiruvchi samolyotga muhtoj. Bu haqda Ukraina prezidenti ofisi tarqatgan xabarga asoslanib, “TASS” nashri xabar berdi.
Qiruvchi samolyotlarni olishga zarurat haqida Ukraina prezidenti ofisi rahbari maslahatchisi Mixail Podolyak maʼlum qilgan. Mudofaa uchun kamida 60 ta qiruvchi samolyotlar zarurligi xabar qilingan.
Ukraina rasmiysi ,shuningdek, sharqdagi front chizig‘ida va ,shuningdek, butun mamlakat chegara hududida nazoratni kuchaytirish uchun 100-120 ta jangovar samolyot talab etilishi mumkinligini bildirgan. Ushbu maʼlumotni Mixail Podolyak Bloomberg agentligiga bergan intervyusida aytib o‘tgan.
“Hozirda Kiyevga front chizig‘ini to‘liq qoplash uchun kamida 60 ta G‘arb qiruvchi samolyoti kerak. Aloqa chizig‘i uzunligi va janglar intensivlashuvini inobatga olsak, 100-120 ta shunday samolyot talab etilishi ham mumkin”, — degan Podolyak.
Avvalroq Ukraina va Belgiya 2028-yilgacha Kiyevga 30 ta F-16 qiruvchi samolyotlarini yetkazib berishni ko‘zda tutuvchi kelishuvni imzolagan edi. Bir qator boshqa Yevropa davlatlari ham ayrim samolyotlarni Kiyevga topshirish haqida qaror loyihalari tayyorlagan. Ammo qaysi davlat qancha miqdorda qiruvchi samolyot yuborishi qachon yuborishi borasidagi savollar ochiq qolmoqda.
Ukraina, shuningdek, havo mudofaasini kuchaytirishi mumkin bo‘lgan yettita qo‘shimcha Patriot havo mudofaa tizimini so‘ragan. Ammo hozircha faqat Germaniya bitta shunday tizimni taqdim etishga vaʼda bergan.
Izoh (0)