SSV Germaniya klinikalarida qancha o‘zbekistonlik hamshira faoliyat ko‘rsatayotgani haqida ma’lumot berdi.
Qayd etilishicha, Migratsiya agentligi, Kambag‘allikni qisqartirish va bandlik vazirligi hamda Shveysariyaning Globogate Concept AG kompaniyasi o‘zbekistonlik hamshiralarni Germaniyadagi bo‘sh ish joylari uchun tanlash, o‘qitish va ishga qabul qilish bo‘yicha bir qator loyihalarni amalga oshirib kelmoqda.
Jumladan, mamlakatdagi malakali o‘rta tibbiyot xodimlari ushbu loyihalar doirasida Germaniyaning Axen universiteti klinikasi, Asklepios kasalxonalari, Enzkreis klinikalari, Brandenburg va Karsruye shaharlari klinikasi va Salus Altmark klinikalariga umumiy hamshiralik hamda psixiatrik hamshira sifatida ishlash uchun taklif etilyapti.
Bugunga qadar Migratsiya agentligi, Globogate Concept AG tashkiloti hamda Germaniyaning yuqorida qayd etilgan tibbiyot muassasalaridan Axen universiteti klinikasi, Asklepios kasalxonalari va Enzkreis klinikalari bilan hamkorlikda o‘tkazilgan sinov imtihonlaridan 400 nafar hamshiralar muvaffaqiyatli o‘tib, ushbu mamlakatda tibbiy faoliyatini olib bormoqda.
Shuningdek, tanlovlarda saralangan yana 550 nafar o‘rta tibbiyot xodimi ayni paytda o‘quv jarayonlarida ishtirok etyapti. Ularning 370 nafari umumiy hamshiralik yo‘nalishlarida, qolgan 180 nafari esa psixiatriya bo‘limlarida ishlash uchun tayyorlanmoqda.
Dastur doirasida yil so‘ngiga qadar 350 nafar o‘rta tibbiyot xodimini xorijda ishlash uchun tayyorlash va Germaniya klinikalariga yuborish rejalashtirilgan.
- Maosh 2,7 ming dollar: o‘zbekistonlik hamshiralar Qatarga ishga taklif qilinmoqda
- O‘zbekistonlik hamshiralar AQSHga ishlash uchun yuboriladi
O‘zbekistonlik 10 mingdan ortiq tibbiyot sohasi vakillari Britaniyadagi shifoxonalarga ishga qabul qilinadi. Ularga 3 ming dollar miqdorida oylik maosh to‘lash bo‘yicha kelishuvga erishilgan.
Izoh (0)