TAURUS qanotli raketalarini ishlab chiqaruvchi TAURUS Systems kompaniyasining 67 foiz ulushiga ega bo‘lgan MBDA Deutschland o‘z mutaxassislari Ukraina armiyasini ushbu turdagi qurol bilan ishlash bo‘yicha o‘qitishga tayyorligini tasdiqladi. Bu haqda Deutsche Welle xabar berdi.
Biz mijozlarimizga TAURUS raketalari bilan ishlash texnikasini o‘rgatishimiz mumkin. Bizning mijozimiz, jumladan, Ukraina raketani mustaqil ravishda boshqarish uchun barcha texnik ko‘nikmalarga ega bo‘ladi. Raketani mamlakatlarga sotish siyosiy qaror, — dedi 5-mart kuni MBDA Deutschland rahbari Tomas Gottshild.
Shu bilan birga, Bavariya bosh vaziri Markus Zyoder Gotshild bilan qo‘shma nutqi chog‘ida Germaniya hukumatini Ukrainaga TAURUS raketalarini yetkazib berish bo‘yicha kelishib olishga chaqirgan.
TAURUS qanotli raketalari ishlab chiqaruvchiga ko‘ra, 500 km harakat radiusiga ega. Ular bir nechta navigatsiya tizimlari bilan jihozlangan va nishonga zarba berishda aniqligi bilan ajralib turadi. Samolyot ishlab chiqaruvchi Airbus, Britaniyaning BAE Systems kompaniyasi, shuningdek, Italiyaning Leonardo konserni MBDA’da ulushga ega. TAURUS Systems kompaniyasi MBDA konsernining Germaniyadagi sho‘ba korxonasi hisoblanadi. Shvetsiyaning SAAB Dynamics AB mudofaa konserni ham TAURUS Systems kompaniyasida 33 foiz ulushga ega.
Izoh (0)