Bir qator mamlakatlardan foydalanuvchilar Google va uning xizmatlarida nosozliklar yuz berganini ma’lum qilmoqda. Bu haqda mashhur internet-resurslarning ishidagi uzilishlar va nosozliklarni kuzatib boruvchi Downdetector sayti xabar bermoqda.
Sayt ma’lumotlariga ko‘ra, nosozliklar Toshkent vaqti bilan taxminan soat 19:37 da boshlangan. Eng ko‘p shikoyatlar AQSHdan — 2 mingdan ortig‘i kelib tushmoqda. Shuningdek, Kanada, Meksika, Braziliya, Argentina va boshqa mamlakatlardan ham foydalanuvchilar nosozliklar haqida xabar berishmoqda.
Foydalanuvchilarning aksariyati veb-sayt, qidiruv tizimidagi muammolar, hamda hisobga kirishdagi qiyinchiliklarni ta’kidlashmoqda.
Bundan tashqari, Gmail, Google Drive, Google Chat va YouTube kabi xizmatlar ishida ham muammolar kuzatilayotgani aytilmoqda.
Google o‘zining qidiruv tizimi bilan Alphabet xolding kompaniyasi tarkibiga kiradi. Shuningdek, Alphabet tarkibiga Android va YouTube, Google Life Sciences, Calico, Sidewalk Labs, Nest, Google Ventures, Google Capital hamda Google X ham kiradi.
Google yaqinda o‘zining MedGemma va MedSigLIP den nomlanuvchi ochiq kodli sun’iy intellekt (AI) modelini taqdim etgandi. Ular rentgen va tomografiya tasvirlarini analiz qila oladi.
Bundan avval an’anaviy ravishda trafikni jalb qilish uchun Google qidiruvga tayanadigan saytlar endi jiddiy qiyinchiliklarga duch kelayotgani, chunki foydalanuvchilar o‘z so‘rovlariga javob olish uchun ChatGPT va Perplexity kabi platformalarga tobora ko‘proq murojaat qilayotgani xabar qilingandi.
Iyun oyida Apple va Google akkauntlaridan 16 mlrd parol internetga tarqalgani ma`lum bo‘lgandi.
Izoh (0)