Mathura qishlog‘ida yashovchi hindistonlik 32 yoshli erkak YouTube’da ko‘richakni olib tashlash bo‘yicha videolarni ko‘rib, o‘zida yuzaga kelgan appenditsitni bartaraf etishga urindi, deya yozadi Times of India nashri.
Uzoq vaqtdan beri o‘zidagi juda kuchli qorin og‘rig‘idan qiynalayotgan 32 yoshli Rajababu Kumar bu holat appenditsit bo‘lishi mumkinligini tushunib, bu vaziyatni o‘z qo‘liga olishga qaror qildi. 19-mart kuni u xonasiga qamalib olib, o‘ziga og‘riq qoldiruvchi dorini ukol bilan yubordi, so‘ng ko‘richak qo‘shimchasidagi yallig‘lanish qismini paypaslab, o‘sha yerini avvalroq tibbiyot do‘konidan sotib olgan maxsus skalpel bilan kesdi. Ammo erkak o‘z ishini davom ettira olmadi, chunki unda kuchli qon ketishi boshlangan edi.
Rajababu yaralangan teri qismini tika olmadi va oxir-oqibat u nimalar qilganini oila a’zolariga aytishga majbur bo‘ldi. Qarindoshlari uni og‘ir ahvolda tuman kasalxonasiga olib kelishdi. Shifokorlar tezda jarohatni tikishdi va Kumarni Agradagi boshqa tibbiyot markaziga yuborishdi. U yerda bemorga barcha kerakli yordam ko‘rsatildi.
Izoh (0)