Organizmda ayrim vitamin va minerallarning yetishmovchiligi sizning salomatligingiz va tashqi ko‘rinishingizga salbiy taʼsir etishi mumkin. Bu muhim belgilarni o‘tkazib yubormang.
Insonning temir ehtiyoji yosh, jins va turmush tarzi kabi ko‘plab omillarga bog‘liq. 50 yoshgacha bo‘lgan sog‘lom kattalar uchun kunlik tavsiya etilgan doza erkaklar uchun 10 mg, ayollar uchun esa 15 mgni tashkil etadi.
Quyidagi belgilar sizni ogohlantirishi kerak:
* Soch to‘kilishi: Odatda, soch to‘kilishi organizmda temir yetishmovchiligining dastlabki belgilaridan biridir. Agar taroqda g‘ayrioddiy ko‘p miqdorda sochlarni ko‘rsangiz, bu tibbiy ko‘rikka borish uchun sabab bo‘lishi mumkin.
* Charchoq: Hatto yetarlicha uxlasangiz ham, o‘zingizni charchagandek his qilayotgan bo‘lsangiz, bu temir yetishmovchiligining belgisi bo‘lishi mumkin. Bu hujayralarning kislorod bilan yetarlicha taʼminlanmasligi tufayli yuz beradi.
* Terining rangsizlanishi: Agar teringiz odatdagidan rangsizroq bo‘lib qolgan bo‘lsa, bu temir yetishmovchiligining yana bir belgisi bo‘lishi mumkin. Bu qon hujayralarining miqdori kamayishi tufayli terining rangsizlanishiga olib keladi.
* Bosh og‘rig‘i: Agar bu belgi xotiraning susayishi va konsentratsiya bilan bog‘liq muammolar bilan birga kuzatilsa, albatta, buni tekshirtirib, vitamin qabul qilishni boshlashingiz kerak.
* Bosh aylanishi: Organizmda temir yetishmovchiligi tufayli hujayralarning kislorod bilan yetarlicha taʼminlanmasligi natijasida, masalan, stuldan tursangiz, boshingiz tez-tez aylanishi mumkin.
* Yurak urishining tezlashuvi: Temir yetishmovchiligi tufayli organizm hujayralarni kislorod bilan yetarlicha taʼminlay olmagani uchun, buni yurak urishining tezlashuvi orqali kompensatsiya qiladi.
* Nafas qisishi: Xuddi shu sabablar tufayli organizm hujayralardagi kislorod yetishmovchiligini yengish uchun ko‘proq nafas olishga harakat qiladi.
Agar o‘zingizda bu belgilarni sezsangiz, shifokor bilan maslahatlashishni kechiktirmang, u sizga zarur tahlillarni tayinlaydi va muammoni hal qilishda yordam beradi.
Agar sizda temir yetishmovchiligi aniqlansa, vitamin qabul qilishdan tashqari, ratsioningizga temir miqdori yuqori bo‘lgan mahsulotlarni ham qo‘shishingiz mumkin. Mana shu mahsulotlardan baʼzilari:
* Temir bilan boy mahsulotlari:
* Sigir go‘shti jigari;
* Bodom;
* Keshyu;
* Qo‘ziqorin;
* Suli yormasi;
* O‘rik qoqisi;
* Qovun urug‘i;
* Quritilgan uzum;
* Tofu;
* Ismaloq.
Izoh (0)