Qirg‘iziston-O‘zbekiston chegarasida 25-mart kuni kechqurun 4 balli zilzila sodir bo‘ldi. Bu haqda Qirg‘iziston Milliy fanlar akademiyasi Seysmologiya instituti xabar berdi.
Xabarga ko‘ra, zilzila soat 20:00 da (Toshkent vaqti bilan 19:00 da) qayd etilgan. Uning o‘chog‘i Qirg‘iziston va O‘zbekiston chegarasida: Burgendi qishlog‘idan 4 km janubi-g‘arbda, Mombekovo qishlog‘idan 12 km janubi-g‘arbda, Qo‘chqorotadan 18 km janubi-g‘arbda, Uchqo‘rg‘on shahridan 18 km janubi-sharqda, Shamaldisoy qishlog‘idan 20 km janubi-sharqda joylashgan.
Qirg‘iziston aholi punktlarida zilzila kuchi: Burgendi qishlog‘ida — 4 ball atrofida, Mombekovo, Qurulush, Qo‘chqorota, Sakaldi qishlog‘ida — 3,5 ball, Uchqo‘rg‘on, Shamaldisoy, Massi, Qorabuloq, Qiziltuu shaharlarida — 3 ball, Mayluusuu shahrida, Bozorqo‘rg‘on, Sovetskiy qishloqlarida — 3 ball atrofida, Uchqo‘rg‘on, Shamaldisoy, Massi qishloqlarida — 3 ball atrofida.
Ma’lumot o‘rnida, 25-mart kuni soat 19:00 da Andijon viloyatida 3.8 magnitudali zilzila qayd etildi. Zilzila episentri Toshkentdan 263 km janubiy-sharqda. Episentrda sezilish kuchi 2 ballni tashkil etgan. O‘zbekiston hududida sezilish kuchi:
- Paxtaobod tumanida — 2 ball, 13 km.
- Izboskan tumanida — 2 ball, 17 km.
- Uchqo‘rg‘on tumanida — 2 ball, 20 km
Izoh (0)