Meksikada 5,5 magnitudali zilzila qayd etildi. Bu haqda Yevropa-O‘rta Yer dengizi seysmologiya markazi ma’lum qildi.
Uning maʼlumotlariga ko‘ra, zilzila episentri Oaxaka shahridan 77 km shimoli-sharqda joylashgan bo‘lib, aholisi 225 ming kishiga yaqin hudud hisoblanadi. Zilzila manbai 35 km chuqurlikda joylashgan.
Qurbonlar va vayronagarchiliklar haqida ma’lumotlar yo‘q.
Reuters axborot agentligi voqea guvohlariga tayanib, Mexiko shahrida zilzila haqida ogohlantirish sirenalari ishga tushgani haqida xabar berdi.
12-mart kuni Qirg‘izistonda sodir bo‘lgan zilzila O‘zbekistonda sezilgandi.
Yer silkinishi magnitudasi 4 ball, chuqurligi 10 kilometr bo‘lgan. Uning kuchi Andijon viloyatining quyidagi hududlarida sezilgan:
- Xo‘jaobod tumanida 2-3 ball;
- Jalaquduq tumanida 2 ball;
- Buloqboshi tumanida 2 ball.
Shu kuni soat 6:16 da episentri Toshkent viloyatida bo‘lgan zilzila qayd etilgandi. Uning kuchi Toshkent shahri va viloyatining qator hududlarida 2-3 balldan sezildi.
Izoh (0)