Қирғизистон-Ўзбекистон чегарасида 25 март куни кечқурун 4 балли зилзила содир бўлди. Бу ҳақда Қирғизистон Миллий фанлар академияси Сейсмология институти хабар берди.
Хабарга кўра, зилзила соат 20:00 да (Тошкент вақти билан 19:00 да) қайд этилган. Унинг ўчоғи Қирғизистон ва Ўзбекистон чегарасида: Бургенди қишлоғидан 4 км жануби-ғарбда, Момбеково қишлоғидан 12 км жануби-ғарбда, Қўчқоротадан 18 км жануби-ғарбда, Учқўрғон шаҳридан 18 км жануби-шарқда, Шамалдисой қишлоғидан 20 км жануби-шарқда жойлашган.
Қирғизистон аҳоли пунктларида зилзила кучи: Бургенди қишлоғида — 4 балл атрофида, Момбеково, Қурулуш, Қўчқорота, Сакалди қишлоғида — 3,5 балл, Учқўрғон, Шамалдисой, Масси, Қорабулоқ, Қизилтуу шаҳарларида — 3 балл, Майлуусуу шаҳрида, Бозорқўрғон, Совецкий қишлоқларида — 3 балл атрофида, Учқўрғон, Шамалдисой, Масси қишлоқларида — 3 балл атрофида.
Маълумот ўрнида, 25 март куни соат 19:00 да Андижон вилоятида 3.8 магнитудали зилзила қайд этилди. Зилзила эпицентри Тошкентдан 263 км жанубий-шарқда. Эпицентрда сезилиш кучи 2 баллни ташкил этган. Ўзбекистон ҳудудида сезилиш кучи:
- Пахтаобод туманида — 2 балл, 13 км.
- Избоскан туманида — 2 балл, 17 км.
- Учқўрғон туманида — 2 балл, 20 км
Изоҳ (0)