Andijon viloyatining Asaka tumanida Matiz ikki nafar yosh bolani urib yubordi. Holat aks etgan video ijtimoiy tarmoqlarda tarqaldi.
Viloyat YHXB matbuot xizmatining ma’lum qilishicha, YTH Asaka tumani “Yuksalish” MFY hududidan o‘tgan D-105E Asaka—Humo avtomobil yo‘lining 2-kilometrida yuz bergan.
1981-yilda tug‘ilgan haydovchi A.O. Matiz’ni boshqarib ketayotgan vaqtida yo‘lning belgilanmagan qismidan kesib o‘tayotgan ikki nafar bolani urib yuborgan. Tan jarohati olgan bolalar Asaka tuman tibbiyot birlashmasiga yuborilib, birinchi tibbiy yordam ko‘rsatilgandan so‘ng shifoxonadan javob berilgan.
Mazkur holat yuzasidan Asaka tumani IIB YHXG xodimlari tomonidan dastlabki surishtiruv ishlari olib borilmoqda.
Yil boshidan buyon bolalar bilan bog‘liq YTHlar
2025-yil yanvarida Surxondaryoda Damas 8 yoshli bolani urib yuborgandi. Fevral oyida Termizda Nexia “peshexod”dan o‘tayotgan 8 yoshli bolani urib yuborib, uning o‘limiga sababchi bo‘ldi. O‘sha oyda Toshkentda 10 yoshli bolani Nexia-3 urib yubordi. Samarqandda Lacetti daraxtga borib urilishi oqibatida 11-sinf o‘quvchisi vafot etdi. Mart oyida Toshkentda 17 yoshli bola ikki nafar piyodani urib yubordi.
Izoh (0)