Jizzax viloyatida rulda uxlab qolgan Matiz haydovchisi yuk mashinasiga urilishi oqibatida sodir bo‘lgan YTHda halok bo‘ldi. Bu haqda viloyat YHXB xabar berdi.
Birlamchi aniqlangan ma’lumotlarga ko‘ra, holat M39 avtomobil yo‘lining 980-kilometrida sodir bo‘lgan. 13-mart kuni ertalab 6:50 larda Samarqand—Toshkent yo‘nalishida harakatlanib kelayotgan Matiz haydovchisi uxlab qolishi oqibatida beton to‘siq orasidan qarama-qarshi tomonga o‘tib ketgan.
Mazkur yo‘nalishda harakatlanib kelayotgan yuk mashinasining yo‘nalishiga chiqib ketib, YTH sodir etgan. Hodisada Matiz haydovchisi og‘ir tan jarohatlari olib halok bo‘ldi.
Sodir bo‘layotgan YTHlar
2024-yil 5-dekabr kuni Toshkent shahrining Mirzo Ulug‘bek va Yunusobod tumanlarida 1,5 soat ichida YTHlar sodir bo‘lgani haqida xabar berilgandi. Shuningdek, 6-dekabr kuni Yunusobod va Yashnobod tumanlarida YTHlar sodir bo‘lgandi.
3-noyabr tunda poytaxtning uchta tumanida YTH sodir bo‘ldi. Sergelida Spark va Matiz to‘qnashdi, Yunusobodda Lacetti yo‘l chetidagi beton ustunga borib urildi, Mirzo Ulug‘bek tumanida Lacetti va BMW to‘qnashdi.
11-noyabr kuni Mirobod tumanidagi Sanʼat muzeyi qarshisida Lacetti King Long avtobusi orqasiga borib urildi. 16-noyabrda Yakkasaroy tumanida Malibu yo‘l chetidagi temir ustunga urildi va haydovchi hamda yo‘lovchisi jarohat oldi.
17-noyabr kuni Yunusobod tumanida Toyota, Malibu-2 va Cobalt avtomashinalari ishtirokida YTH sodir bo‘ldi. 24-noyabr kuni Mirzo Ulug‘bek tumanida Spark va Epica to‘qnashib, yonib ketdi. Hodisa oqibatida halok bo‘lganlar yo‘q.
Mirzo Ulug‘bek tumanida 28-noyabr kuni soat 16:10 larda 5 ta avtomashina ishtirokida YTH sodir bo‘ldi.
Avvalroq O‘zbekistonda avtomobilni takroran mast holda boshqarganlik uchun jinoiy javobgarlik belgilanayotgani haqida xabar berilgandi.
Izoh (0)