Sirdaryo viloyati favqulodda vaziyatlar bo‘limi Mirzaobod tumani hududida harakatlanib ketayotgan yuk mashinasida sodir bo‘lgan yong‘in bo‘yicha maʼlumot berdi.
Qayd etilishicha, 9-iyul kuni soat 22:08 da Mirzaobod tumani “Oqoltin” MFY hududidan o‘tuvchi Toshkent Termiz A-373 avtoyo‘lining 36-kilometrida harakatlanayotgan “KamAZ” rusumli yuk avtomashinasining salon qismi, to‘rtta balloni hamda kuzovi qisman yongan. Ko‘rilgan tezkor choralar natijasida yong‘in soat 22:36 da o‘chirilgan. Yong‘in sababi va moddiy zarar miqdori aniqlanmoqda.
Yong‘in natijasida insonlarning tan jarohati olishi va halok bo‘lish holatlari kuzatilmagan.
Avvalroq Samarqandda uchta mashina ishtirokida YTH sodir bo‘lgani, ulardan biri yonib ketgani to‘g‘risida xabar berilgandi. Undan oldinroq esa Samarqandda pastlikka tushib ketgan yuk mashinasida yong‘in chiqqan edi.
Izoh (0)