Navoiy shahrida poyga uyushtirgan yigitlar yo‘l-transport hodisasiga uchradi, deb xabar bermoqda YHXX axborot xizmati.
Maʼlum qilinishicha, shahar ko‘chalari bo‘ylab o‘zaro poygalar uyushtirib, yo‘l qoidalarini buzib kelayotgan yigitlar Islom Karimov ko‘chasida YTH keltirib chiqardi. Ulardan biri avval ham qoidabuzarlik sodir etib, profilaktik suhbatga chaqirtirilgan bo‘lgan.
Ushbu hodisada tan jarohati olganlar yo‘qligi aytilmoqda. Ayni paytda mashinalar jarima maydoniga joylashtirilgan. Holat yuzasidan Karmana tumani YHXB tomonidan tergovga qadar surishtiruv harakatlari olib borilmoqda.
“Sal qolishiga sal qoldi. Bo‘ldi, boshqa poyga o‘ynamayman”, deydi yigitlardan biri.
Mart oyida sodir bo‘lgan YTHlar
Jizzaxda 13-mart kuni rulda uxlab qolgan Matiz haydovchisi yuk mashinasiga urilishi oqibatida halok bo‘lgandi. 12-mart kuni Toshkentda daraxtga urilgan Lacetti pachoqlanib ketdi. 7-mart kuni Navoiyda Damas va Cobalt to‘qnashishi oqibatida bir kishi jarohatlandi. 17-mart kuni soat 06:30 larda Toshkent—Bekobod avtomobil yo‘lida harakatlanib ketayotgan yuk mashinasi (dastlabki ma’lumotga ko‘ra haydovchisi uxlab qolishi natijasida) qarama qarshi yo‘nalishga chiqib ketib, Isuzu avtomobili bilan to‘qnashgan.
Shuningdek, Toshkentda Lexus haydovchisi katta tezlikda kelib, yo‘l chetida turgan mashina va qariyani urib yuborgandi.
Izoh (0)