Prezident mahallalarning birida sumalak saylida qatnashishi, Jizzaxda yuk mashinasi Lacetti va mikroavtobusni urib yuborishi, Markaziy bank asosiy stavkani 0,5 foiz bandga oshirib, 14 foiz darajasida belgilashi — “Daryo” nashri bugun, 20-martda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda Kichik biznes uyushmasi tashkil etiladi
Uyushma tadbirkorlarga yangi bozorlarga kirish, brend yaratish, ularni yangiliklarga o‘qitish hamda mamlakatda startaplarni ko‘paytirishga yordam beradi.
O‘zbekistondan Qozog‘istonga 1,2 mln dollarni yashirincha olib o‘tmoqchi bo‘lgan shaxslar qamoqqa olindi
“Navoiy” chegara-bojxona postida 874 ming dollar yashirincha olib chiqib ketilayotganida to‘xtatib qolingan.
Jizzaxda yuk mashinasi Lacetti va mikroavtobusni urib yubordi
Oqibatda uch kishi vafot etdi, 13 kishi tan jarohati oldi.
Markaziy bank asosiy stavkani 0,5 foiz bandga oshirib, 14 foiz darajasida belgiladi
Regulyator buni inflyatsion bosimlarning yuqori saqlanib qolishi bilan izohladi.
Aholi va biznesda kommunal to‘lovlar qimmatlashishidan xavotir kuchaygan — Markaziy bank
Fevralda go‘sht narxi sezilarli oshganini bildirganlar ulushi keskin ko‘paygan.
Prezident Toshkentda qurilgan High Town City majmuasini borib ko‘rdi
Shavkat Mirziyoyev poytaxtda amalga oshirilayotgan qurilish va obodonlashtirish ishlari bilan tanishuvni ushbu savdo majmuasidan boshladi.
“Buyuk ipak yo‘li”dan TTZ dahasigacha 10 ta metro bekati quriladi
Prezidentga Toshkent metropolitenini kengaytirish bo‘yicha yangi loyiha taqdim etildi.
Shavkat Mirziyoyev Bektemirdagi maktabda bo‘lib, pedagoglar bilan muloqot qildi (foto)
Prezident Toshkentning Bektemir tumaniga tashrifi chog‘ida “Iykota” mahallasida bo‘lib, qurilish va obodonlashtirish ishlari bilan yaqindan tanishdi.
Shavkat Mirziyoyev Bektemir tumanidagi yangi bog‘ga ko‘chat ekdi (foto)
Mahalla faollari, nuroniylar va yoshlar bilan samimiy muloqot bo‘ldi.
Jizzax viloyati hokimligi byudjet taqchilligiga qaramay, 1,8 mlrd so‘mga Tahoe va Traverse avtomobillarini sotib olmoqchi
Hokim farmoyishida mashinalar prezident topshirig‘i asosida xarid qilinayotgani yozilgan.
Shavkat Mirziyoyev mahallalarning birida sumalak saylida qatnashdi (foto)
“Mahallangizdagi obodlikni, odamlarning kayfiyatini ko‘rib, mamnun bo‘ldim”, deydi davlat rahbari mahalla faollari bilan suhbatda.
Samarqandda noqonuniy qum-shag‘al qazib olinishi oqibatida 2,7 mlrd so‘m zarar yetkazildi
Yig‘ilgan hujjatlar huquqiy baho berish uchun Bosh prokuraturaga yuborildi.
Andijonda yuk mashinasi yonib ketdi
Mazkur holat yuzasidan tergovga qadar tekshiruv harakatlari olib borilmoqda.
Mirobod tumani SES boshlig‘i xodimlarini “Tashabbusli byudjet” bo‘yicha ovoz yig‘ishga majburlagani aytildi
Tuman hokimligi holat yuzasidan munosabat bildirdi.
Izoh (0)