O‘zbekistonda o‘tgan ikki oyda 31 775 ta nikoh holatlari qayd etilgani ma’lum qilindi.
Milliy statistika qo‘mitasi ma’lumotlariga ko‘ra, 2025 yilning yanvar-fevral oylarida, FHDY organlarida respublika bo‘yicha 31 775 ta nikoh holatlari qayd etilgan.
Qayd etilgan nikohlarda erkaklarning yosh guruhlari bo‘yicha taqsimlanishi:
- 20 yoshgacha – 1,4 foiz;
- 20-30 yosh – 78,7 foiz;
- 31-40 yosh – 13,6 foiz;
- 41 yosh va undan kattalar – 6,3 foiz.
Qayd etilgan nikohlarda ayollarning yosh guruhlari bo‘yicha taqsimlanishi:
- 20 yoshgacha – 35,3 foiz;
- 20-30 yosh – 52,4 foiz;
- 31-40 yosh – 9,4 foiz;
- 41 yosh va kattalar – 2,9 foizni tashkil etgan.
18-mart kuni bo‘lib o‘tgan Oliy Majlis Senatining beshinchi yalpi majlisida Bola huquqlari bo‘yicha vakilning bola huquqlari to‘g‘risidagi qonunchilikka davlat organlari tomonidan rioya etilishi holati haqidagi maʼruzasi ko‘rib chiqildi.
Muhokamalarda senator Gulnora Ma’rufova erta nikoh holatlari 2024-yilda 300 yaqin bo‘lgani va bu o‘tgan 2023-yilga nisbatan 7 baravarga ko‘payganini taʼkidlab o‘tdi.
2025 yilning yanvar-fevral oylarida, FHDY organlarida respublika bo‘yicha 135 914 ta tirik tug‘ilish holatlari qayd etilgan. Qayd etilgan tug‘ilishlarning shahar va qishloq joylar bo‘yicha taqsimlanishi quyidagicha:
- Shahar joylarda – 66 555 ta;
- Qishloq joylarda – 69 359 ta;
Shuningdek, qayd etilgan tug‘ilishlarning chaqaloqlar soni bo‘yicha taqsimlanishi quyidagicha :
- 1 nafar tug‘ilganlar – 132 669 ta;
- 2 nafar tug‘ilganlar – 3 150 ta;
- 3 nafar va undan ortiq tug‘ilganlar – 95 ta.
Izoh (0)