Zendaya va Tom Hollandning to‘yga tayyorgarlik ko‘rayotgani haqida ilk bor 2025-yil boshida bo‘lib o‘tgan “Oltin globus” mukofotini topshirish marosimidan so‘ng xabarlar tarqala boshladi.
Aktrisa marosimga nomsiz barmog‘ida yirik olmos uzuk taqqan holda tashrif buyurgan edi. Shunga qaramay, ularning nikohdan o‘tishi haqidagi yangiliklar hech kimni ajablantirmadi, chunki muxlislar “O‘rgimchak odam”da juftlik rolini o‘ynagan bu aktyorlarning birga bo‘lishini uzoq vaqtdan beri orzu qilishgan, ularning filmdagi sevishganlar ijrosi esa juda ishonarli chiqqan.
“To‘yga taraddud bir necha oy avval boshlab yuborilgan. Mish-mishlarga ko‘ra, nikoh marosimi joriy yil yozda yoki kech kuzda o‘tkazilishi rejalashtirilgan, deb xabar berdi insayder.
Tom Zendayaga Rojdestvo ta’tili paytida, Zendayaning AQShdagi oilaviy uylaridan birida turmush qurishni taklif qilgan edi.
To‘y marosimi keng ko‘lamda va hashamatli bo‘ladi. Yaqin kelajakda turmush qurmoqchi bo‘lganlarning asosiy muammolaridan biri bu logistika bo‘lib qolmoqda. Shunga qaramay, yoshlar to‘yni intiqlik bilan kutishmoqda.
“Ular hozirda juda ham baxtli. Tom va Zendaya bir vaqtda ham sevishganlar, ham eng yaqin do‘stlardir. Ularning munosabatlari har tomonlama sog‘lom va ijobiydir”, deyiladi xabarda.
Hozirda juftlik yangi uy qidirish bilan band. Ular birgalikda kattaroq ko‘chmas mulk sotib olishni istaydi. Shuningdek, Los Anjelesdagi uylardan birini ijaraga olishni niyat qilgan.
Izoh (0)