“Uzuklar hukmdori” va “Hobbit” filmlarining yulduzi “Inside You” podkastida Mette-Mari Konsvedni o‘zining rafiqasi deb atadi va muxlislarini hayratda qoldirdi. Keyin TMZ nashri kichik surishtiruv o‘tkazib, juftlikning Los Anjeles okrugida ro‘yxatdan o‘tgan nikoh guvohnomasi borligini aniqladi.
Elayja Vud va Mette-Mari maxfiy ravishda nikohdan o‘tgani bois aynan qachon rishtalarni rasman bog‘lagani ma’lum emas.
Avvalroq ijtimoiy tarmoqlarda ularning to‘yi haqida xabarlar tarqalgan edi. Insayderlar ta’kidlashicha, Elayja va Mette-Mari Shvetsiyada Yangi yil arafasida turmush qurishgan. Marosim kichik va yopiq formatda bo‘lib, unda kelin-kuyovning eng yaqin 80 ga yaqin qarindoshlari va do‘stlari ishtirok etgan.
Ularning farzandlari borligidan ko‘pchilik muxlislari bexabar bo‘lsa kerak, chunki aktyor shaxsiy hayoti haqida deyarli hech qanday ma’lumot bilan bo‘lishmaydi. Faqat 2023-yilda The Wall Street Journal’ga bergan intervyusida u ikkinchi farzandi borligini aytib o‘tgan.
“Oilamizda 3 yoshli o‘g‘limiz va 1,5 yoshli qizimiz bor. Qizim bizni erta tongdan uyg‘otadi”, deydi Elayja.
Izoh (0)