Futbolchi Lionel Messi va uning rafiqasi Antonella Rakutssoning sevgi qissasi romantik melodrama uchun ssenariy bo‘ladi oladi, Messining rafiqasiga sadoqati esa bir necha yillardan beri tillarda doston.
Lionel va Antonella bir-birini bolalikdan bilishadi. Antonella bo‘lajak futbol yulduzining eng yaqin do‘stining amakivachchasi edi. Messi Yevropaga “Barselona” tarkibida o‘ynash uchun ketganida ularning yo‘llari bir muddat ayriladi. Antonella Argentinada qolganida ham ular telefon orqali gaplashib turishadi.
2005-yilga kelib ularning munosabatlarida hammasi o‘zgaradi. O‘shanda Rokutsso eng yaqin dugonasini avtohalokat oqibatida yo‘qotadi. Messi hamma ishini yig‘ishtirib, Antonellaga dalda bo‘lish uchun yetib keladi.
Juftlikning orasidagi munosabatlar o‘shanda yanada yaqinlashadi. Antonella qiyin vaziyatda qo‘llab-quvvatlagani uchun Messini yanada qadrlay boshlaydi.
Biroq juftlik o‘z munosabatlarini yana bir necha yil ommadan sir tutadi. Ularning sevishgan juftlik ekanligi haqidagi ma’lumotlar faqatgina 2009-yilga kelib paydo bo‘ladi. 2012-yilda Messi va Antonella oilasida o‘g‘il farzand — Tyago dunyoga keladi. 2015-yilda esa ular yana bir o‘g‘ilning ota-onasiga aylanadi va unga Mateo deb ism qo‘yishadi. 2018-yilning mart oyida juftlik Chiro ismli yana bir o‘g‘il farzandli bo‘lganini e’lon qildi.
Messi 2017-yilning 30-iyunida o‘g‘illarining onasiga rasman uylanadi. Nikoh to‘yi juftlikning vatani Argentinada o‘tkaziladi. Ularning to‘yi OAVda “Asr to‘yi” deya e’tirof etiladi. Messi va Antonellaning baxt kechasida 260 kishi, xususan Luis Suares, Jerar Pike va Shakira ham ishtirok etadi.
Messi rafiqasiga shu qadar sadoqatliki, u bir necha yildan beri begona ayollarga hatto qo‘lini ham tekkizmaydi. U faqat o‘z rafiqasigagina qo‘l tekkizishi mumkin deb hisoblaydi.
Messi butun dunyoda millionlab muxlisalari borligiga qaramay o‘z prinsiplariga sodiq qolmoqda. Kunlardan birida braziliyalik fitness-model Syuzi Kortes o‘z tanasida Messining surati aks etgan tatuirovkani chizdiradi hamda uni futbolchi jo‘natadi. Biroq Messi uni bloklab qo‘yadi.
Messining muxlislari uning boshqa ayollar bilan tushgan suratlarida g‘alati turishini payqagan. Bunday suratlarda futbolchi odatda qo‘lini yoki cho‘ntagiga soladi yoki shunchaki qo‘llarini tushirib turadi.
Ma’lum qilinishicha, futbolchi suratlarining OAV tomonidan noto‘g‘ri talqin qilinishidan tiyiladi yoki turli gap-so‘zlar tarqalishining oldini olish maqsadida o‘zini shunday tutadi.
Hattoki futbolchining oilaviy do‘sti Shakira bilan tushgan suratida ham u masofa saqlaganini ko‘rish mumkin.
Izoh (0)