Ўзбекистонда ўтган икки ойда 31 775 та никоҳ ҳолатлари қайд этилгани маълум қилинди.
Миллий статистика қўмитаси маълумотларига кўра, 2025 йилнинг январь февраль ойларида, ФҲДЁ органларида республика бўйича 31 775 та никоҳ ҳолатлари қайд этилган.
Қайд этилган никоҳларда эркакларнинг ёш гуруҳлари бўйича тақсимланиши:
- 20 ёшгача – 1,4 фоиз;
- 20-30 ёш – 78,7 фоиз;
- 31-40 ёш – 13,6 фоиз;
- 41 ёш ва ундан катталар – 6,3 фоиз.
Қайд этилган никоҳларда аёлларнинг ёш гуруҳлари бўйича тақсимланиши:
- 20 ёшгача – 35,3 фоиз;
- 20-30 ёш – 52,4 фоиз;
- 31-40 ёш – 9,4 фоиз;
- 41 ёш ва катталар – 2,9 фоизни ташкил этган.
18 март куни бўлиб ўтган Олий Мажлис Сенатининг бешинчи ялпи мажлисида Бола ҳуқуқлари бўйича вакилнинг бола ҳуқуқлари тўғрисидаги қонунчиликка давлат органлари томонидан риоя этилиши ҳолати ҳақидаги маърузаси кўриб чиқилди.
Муҳокамаларда сенатор Гулнора Маъруфова эрта никоҳ ҳолатлари 2024 йилда 300 яқин бўлгани ва бу ўтган 2023 йилга нисбатан 7 бараварга кўпайганини таъкидлаб ўтди.
2025 йилнинг январь февраль ойларида, ФҲДЁ органларида республика бўйича 135 914 та тирик туғилиш ҳолатлари қайд этилган. Қайд этилган туғилишларнинг шаҳар ва қишлоқ жойлар бўйича тақсимланиши қуйидагича:
- Шаҳар жойларда – 66 555 та;
- Қишлоқ жойларда – 69 359 та;
Шунингдек, қайд этилган туғилишларнинг чақалоқлар сони бўйича тақсимланиши қуйидагича :
- 1 нафар туғилганлар – 132 669 та;
- 2 нафар туғилганлар – 3 150 та;
- 3 нафар ва ундан ортиқ туғилганлар – 95 та.
Изоҳ (0)