Erini prezident qilmoqchi bo‘lgan: Anjelina Joli va Bred Pitt nikohining buzilishiga aslida nima sabab bo‘lgan?

Ularni “Gollivuddagi eng go‘zal juftlik” deb atashgan — ko‘pchilik Anjelina Joli va Bred Pitt yaratishga muvaffaq bo‘lgan oilaviy ertakka havas qilgan: ko‘p bolalar, xayriya, barcha sohalarda muvaffaqiyatlar. Bu o‘n yildan ortiq davom etdi. Ammo bir kuni bu ertak o‘z nihoyasiga yetdi.

2016-yilning kuzida Anjelina ajrashish uchun ariza berdi. Bu muxlislarni hayratda qoldirdi. O‘shandan beri oradan yillar o‘tdi, ammo jamoatchilik tinchimayapti: haligacha ayriliqning asosiy sababi mish-mishlar va taxminlar bilan to‘lib-toshgan.

Turli xilma-xilliklar

Anjelina va Bred “Janob Smit va Smit xonim” filmining suratga olish jarayonida tanishgan. Shundan so‘ng ular bir-biriga ko‘ngil qo‘yib, turmush qurishga qaror qilishadi.

Ammo ular o‘zlarining xilma-xil ekanliklarini hisobga olmagandilar. Anjelina bolaligidanoq o‘zini atrofdagilarga begona his qilardi. Bu uni isyonkor bo‘lishga undardi. Bundan tashqari, u otasining yonida emasligidan qiynalardi. Unga juda ham ishonchli va kuchli erkak yetishmasdi.

Bred esa yoshligidan an’anaviy va dindor oiladan chiqqan “tilla bola” imiji bilan kurashardi. U aktyorlikda o‘zini namoyon qilishni juda xohlagan, bu esa ota-onasidan uzoqda mustaqil hayot kechirishni talab qilardi. Uning uchun kuchli erkak sifatida tan olinishi muhim edi. Albatta, ular bir-birini to‘ldirardi. Ammo qarama-qarshiliklar kuchliroq chiqdi.

Nikoh shartnomasi

Yulduzlar turmush qurishdan oldin nikoh shartnomasi tuzishgan. Uning ko‘plab bandlari qat’iyligi va murosasizligi bilan kishini hayratga soladi. Ayniqsa, er-xotin xiyonat qilgan taqdirda Bred bolalariga vasiylik qilishdan mahrum bo‘ladi. Anjelina, har doim tashlab ketilishidan qo‘rqqan holda, erini manipulyatsiya qilish imkoniyatini beruvchi bandni hujjatga qo‘shgan.

Barcha erkaklarga nisbatan ishonchsizlik

Anjelina Joli endigina bir yoshga to‘lganida otasi ularni tashlab ketgan, juda kichik bo‘lgani uchun u otasining xiyonatlari va onasi bilan muammolari haqida bilmasdi. Onasi bu haqda qizchaga doimiy ravishda aytib, kundan-kunga erkaklarga nisbatan salbiy munosabatni shakllantiradi. Natijada Joli hech bir erkakka ishonib bo‘lmaydi, degan fikr bilan ulg‘ayadi. Shu fikr bilan u Bred Pittga turmushga chiqadi.

Xayriya ishlari

Ma’lumki, Joli va Pitt o‘zlarining uch farzandidan tashqari yana uch bolani asrab olgan. Farzandlikka olish Anjelina uchun hayotini olijanob vazifa bilan to‘ldirish, o‘zini ham, atrofdagilarni ham jamiyatning munosib a’zosi ekanligiga ishontirish yo‘liga aylandi. Ehtimol, bu uning og‘ir nevrozlari, tushkunligi va o‘z joniga qasd qilishga urinishlari oqibatlarining namoyon bo‘lish shaklidir.

Farzandlikka olish tashabbusi har safar Anjelinadan chiqardi. U qo‘lidan kelgancha “dunyoni qutqarar”, eri esa bu paytda xayriya ishlarining unga havodek zarurligini tushunib, Anjelinaning o‘zini asrab-avaylardi.

Bahs va nizolar

Ammo ularning tortishuvlarini atrofdagilar ham eshitardi, hatto o‘zlari ham tez-tez umumiy til topisha olmayotganliklarini ommadan yashirmagan. Masalan, katta qizi Shayloning tug‘ilgan kuni uchun sovg‘a tanlashda ular uzoq vaqt o‘yinchoq jip qanday bo‘lishi kerakligi haqida bahslashishgan. Anjelina sovg‘aning eng muhim jihati – xavfsizlik va ishonchlilik bo‘lishi kerakligini ta’kidlagan bo‘lsa, Bred qizini xursand qilish uchun faqat pushti rangdagi mashina olishni xohlagan.

Ichkilikbozlik

Bred Pitt tan olganidek, ularning ajralishiga sabab bo‘lgan omillardan biri uning spirtli ichimlikka ruju qo‘ygani edi. Bir paytlar aktyor har kuni ichgan. Bolalaridan ajralishiga bu zararli odat sabab bo‘lishi mumkinligini anglagan Pitt ichkilikbozlikdan davolanish kursiga boradi, so‘ngra uzoq vaqt malakali ruhshunos nazoratida bo‘ladi.

O‘z-o‘zini yo‘q qilish istagi

Darvoqe, Anjelinaning hayotida ham g‘alati damlar ko‘p bo‘lgan. Hech bo‘lmaganda, uning bolaligidan o‘ziga xos bo‘lgan o‘z-o‘zini yo‘q qilishga bo‘lgan ishtiyoqini olaylik. O‘shanda u tez-tez o‘zini pichoq bilan jarohatlardi, ulg‘aygach esa tatuirovkalarga qiziqa boshlaydi.

Chamasi, azob-uqubatga intilish Anjelinani hamon tark etmayapti. Uning elektron pochtasiga har kuni ayollarga qarshi sodir etilayotgan jinoyatlar haqidagi xabarlar kelib turadi va u bu ma’lumotlardan o‘zining xayriya faoliyatida foydalanadi. Joli tez-tez qochqinlar lagerlariga tashrif buyuradi, ba’zida u yerga bolalarini ham olib boradi, ularni xavf ostiga qo‘yadi. Shubhasiz, bularning barchasi Bred Pittga ma’qul kelmagan, ammo u uzoq vaqt davomida rafiqasining xohishlariga bo‘ysunib kelgan. Biroq bu holat abadiy davom etishi mumkin emasdi.

Siyosiy karyera

Bir kuni Anjelina erining siyosiy karyerasini “rivojlantirish”ga qaror qiladi. U kelajakda Bred Pittni prezident sifatida ko‘rishini yashirmagan. Ammo Bred siyosatga aralashishni rad etadi, bu uning xotiniga kutilmagan xabar bo‘ladi. U xayriya ishlarida Anjelinani qo‘llab-quvvatlagan, lekin rafiqasining yangi g‘oyasi unga “juda” og‘ir bo‘lib tuyuladi. U faqat aktyor bo‘lib qolishni xohlardi.

Aftidan, aynan shu kelishmovchilik hal qiluvchi ahamiyatga ega bo‘ldi. Anjelina turmush o‘rtog‘idan ko‘ngli qoldi — eru uning umidlarini oqlamadi. Ehtimol, aynan shu lahzadan boshlab ularning muhabbat qissasiga nuqta qo‘yilgandir. Biroq bularning barchasi shunchaki taxminlar xolos. Jolining o‘zi Pitt bilan ajrashish sababini tushuntirar ekan, “bolalar farovonligi”ni ro‘kach qiladi. Bu iborani esa har kim o‘zicha talqin qilishi mumkin.