8-mart odatda mehr va nafislik bayrami sifatida nishonlanadi. Aslida esa bu kun ayollarning yutuqlari, ularning fan, madaniyat, iqtisodiyot va jamiyat taraqqiyotiga qo‘shgan hissasi qadrlanadigan sanadir. payme “Ojiza emas ayollar” loyihasini ishga tushirdi, uning maqsadi ayollarning yutuqlarini – ulkan natijalardan tortib, kundalik hayotdagi sezilmas, ammo muhim ishlarigacha – eʼtirof etishdir.
Loyiha haqida
“Ojiza emas ayollar” kampaniyasi shuni taʼkidlaydiki, har bir ayol – bu kuch, qatʼiyat va jamiyatga qo‘shilgan ulkan hissa. Bu loyiha ayollar erishgan muvaffaqiyatlar soyada qolmasligi kerakligini eslatadi.
Tashabbus doirasida Toshkent, Buxoro va Samarqand shaharlarida maxsus stikerlar joylashtirildi. Ularda QR-kod va “Ojiza emas ayol” yozuvi aks etgan. Ushbu stikerlar jamiyatning rivojlanishiga hissa qo‘shish yo‘lida mehnat qilayotgan ayollar bilan bog‘liq muhim joylarga o‘rnatildi. QR-kodni skanerlash orqali o‘z iste’dodi va sa’y-harakatlari bilan mamlakat kelajagini shakllantirayotgan ayollar haqidagi hikoyalar bilan tanishish mumkin.
O‘zbekistonda ayollar yutuqlariga bag‘ishlangan yodgorliklar kam. Ko‘pchilik bilmasligi mumkin, ammo Toshkentdagi eksperimental “Jemchug” uyi – bu loyihaning arxitektori Ofeliya Aydinovaning fidokorona mehnati va iste’dodiga bag‘ishlangan haqiqiy yodgorlik. Yoki 1920-yilda birinchi bo‘lib paranjisini yechgan va pedagog sifatida faoliyat yuritgan Bibish Yusupovaning shogirdlari uning yorqin xotirasidir.
“Ojiza emas ayollar” – bu yozuvchi va tadbirkorlar, arxitektorlar va jamoat arboblari, texnologiya, gastronomiya va turizm sohalarida innovatorlik qilayotgan insonlar. Ular muhim loyihalar, jamiyat uchun yangi imkoniyatlar yaratadi. Ular orasida Madina Muminova – yozuvchi, ssenarist va rejissyor, ekologiyaga oid bolalar kitoblari muallifi, Kamilya Daminova – sun’iy intellekt texnologiyalaridan foydalangan holda onalar salomatligini qo‘llab-quvvatlashga qaratilgan HEAL innovatsion loyihasining asoschisi joy olgan.
payme ayollar tashabbuslarini muntazam qo‘llab-quvvatlaydi
payme kompaniyasi bir necha yildan buyon ayollar tadbirkorligi va tashabbuslarini qo‘llab-quvvatlab kelmoqda. Ilgari brend growth.payme.uz platformasini ishga tushirib, unda ayollar o‘z biznes-hikoyalari bilan o‘rtoqlashishlari uchun imkoniyat yaratgan edi. Shuningdek, kompaniya ayollar loyihalarini rivojlantirishga yordam beradigan ta’lim dasturlarini qo‘llab-quvvatlamoqda.
“Ojiza emas ayollar” – bu ayollarning jamiyat rivojiga qo‘shayotgan hissasi beqiyos ekanini yana bir bor ta’kidlovchi muhim tashabbusdir.
Har bir inson g‘urur bilan tilga oladigan ayollar bor. “Ojiza emas ayollar” ularning jamiyatdagi o‘rni naqadar muhim ekanini eslatib turadi.
Reklama huquqi asosida.
Izoh (0)