School 21 raqamli texnologiyalar maktabi IT sohasida bepul ta’lim olish imkonini beradi

Samarqand shahridagi School 21da navbatdagi asosiy ta’lim jarayoni boshlandi.

Unga saralash bosqichi natijalariga ko‘ra, shijoatli va tirishqoq ishtirokchilar tanlab olindi. Samarqandda istiqomat qiluvchi aholi vakillaridan tashqari, maktabda Buxoro, Jizzax va mamlakatning boshqa hududlaridan kelganlar ham tahsil olishadi. Ishtirokchilarning o‘rtacha yoshi – 22 yoshdan iborat bo‘lib, ularning 28 foizini qizlar tashkil etadi.

Samarqanddagi School 21da ikkinchi asosiy ta’lim bosqichining boshlanishi – bu maktabimiz, qolaversa, butun O‘zbekiston IT-industriyasi uchun muhim qadamdir. Biz ishtirokchilarga zamonaviy texnologiyalarni o‘zlashtirish va o‘rganish uchun imkon yaratamiz, shuningdek, innovatsiyalarni rivojlantirish va mamlakatimiz kelajagini bunyod etishga qodir yangi avlod yetakchilarini shakllantirishga yordam beramiz. Ishonchim komilki, School 21 bitiruvchilari kelajak avlod uchun namuna bo‘lib, O‘zbekiston iqtisodiyoti va texnologiyalarini rivojlantirishga salmoqli hissa qo‘shadilar,  deydi School 21 Asosiy ijrochi direktori Zarina Luxmanova.

Shuningdek, ta’limning birinchi kunida ishtirokchilarni Raqamli texnologiyalar vazirligi hududiy vakili Vali Muxtarov, shuningdek, loyiha hamkorlari: Samarqand viloyati IIB kiberxavfsizlik bo‘limi boshlig‘i Azamat Yo‘ldoshev, TBC Bank va Payme vakillari Davron Adilxodjayev va Patrik Stronskilar qutlashdi. Tadbir doirasida ushbu tashkilotlar bilan kelgusida hamkorlikni yanada kengaytirish to‘g‘risida memorandumlar imzolandi. Ushbu shartnomalar maktab a’zolarini amaliy o‘qitish va kelajakda ish bilan ta’minlash uchun mustahkam asos yaratishga xizmat qiladi.

Asosiy ta’lim 1,5 yildan 3 yilgacha davom etadi. Bu davr mobaynida ishtirokchilar C, C++, Java, C#, Python, Go, Swift, JavaScript va Kotlin dasturlash tillarini o‘rganadilar, shuningdek DevOps, ma’lumotlar bazalari bilan ishlash va veb-dasturlash  bo‘yicha o‘z ko‘nikmalarini rivojlantiradilar. Bundan tashqari, ularni IT-kompaniyalarda haq to‘lanadigan majburiy amaliyot kutmoqda.

Saralash bosqichiga kelganimda, dasturlash bo‘yicha mutlaqo tajribam yo‘q edi. Avvaliga hamma narsa juda murakkab bo‘lib tuyuldi, lekin atrofimdagilarning qo‘llab-quvvatlashi va qat’iyatliligi tufayli men uddalashni boshladim va ajablanarlisi, asosiy ta’limga qabul qilindim. Hozir esa dasturlash bilan shug‘ullanishni intiqlik bilan kutyapman. Bu yo‘l endigina boshlanmoqda va men yangi sinovlarga tayyorman, deydi samarqandlik asosiy ta’lim ishtirokchisi Farzona Gafurjonova.

Ta’kidlash lozimki, maktabda jadvallar, baholar va murabbiylar yo‘q, bu yerda “tengdosh-tengdoshga” metodologiyasi asosida ishtirokchilar mustaqil ravishda bilimlarni o‘zlashtiradilar va o‘quv loyihalari ustida ishlayotgan vaqtda bir-birlaridan o‘rganadilar. Ushbu yondashuv IT jamoalari uchun muhim bo‘lgan yumshoq ko‘nikmalarni rivojlantirishga yordam beradi, jumladan, stressga chidamlilik, vaqtni rejalashtirish va samarali aloqalarni o‘rnatish qobiliyati.

Garchi saralash bosqichini yakunlash oson bo‘lmagan bo‘lsada, asosiy ta’lim bosqichiga o‘tganligimdan juda xursandman. Men uchun mutlaqo notanish bo‘lgan Peer-to-Peer uslubiga ko‘nikishim, ma’lumotni to‘g‘ri izlashshni va boshqa ishtirokchilar bilan muloqot qilishni o‘rganishim kerak edi. Biroq, ikkinchi haftadayoq boshqa tengdoshlar bilan yaqindan do‘stlashdik va bu menga ko‘p savol berishdan uyalmaslikka yordam berdi. Men birinchi natijalarga erisha boshladim - bu meni ilhomlantirdi va o‘qishga bo‘lgan qiziqishimni oshirdi,  deya ta’kidlaydi Jizzax viloyatidan kelgan asosiy ta’lim ishtirokchisi Akmaljon Gaybullayev.

School 21 – bu O‘zbekiston va yaqin atrofdagi mamlakatlarning 18 yoshdan oshgan barcha aholisiga IT sohasida talab yuqori bo‘lgan kasbni bepul egallash imkonini beradigan raqamli texnologiyalar maktabidir.

Bu yerda o‘qish istagi tug‘ilganda 21-school.uz saytiga murojaat qilish, ikkita onlayn o‘yindan o‘tish va saralash bosqichini muvaffaqiyatli yakunlash lozim bo‘ladi.

Mamlakatning olis hududlaridan kelgan ishtirokchilar Samarqand shahridagi maktab yotoqxonasida yashab, tahsil olishlari mumkin. Yotoqxona narxi oyiga 100 000 so‘m.

Mazkur maktab Samarqand shahrida o‘tgan yili ochilgan bo‘lib, ushbu davr mobaynida mingdan ortiq kishi saralash bosqichi ishtirokchilari bo‘lishdi va o‘zlarini IT sohasida sinab ko‘rishdi. Ishtirokchilarning 50% dan ortig‘i uchun loyihada ishtirok etish dasturlashdagi birinchi tajribadir.

Siz ham zamonning talabgir kasbini bepul egallash va o‘z a’zolarini har doim qo‘llab-quvvatlaydigan va rivojlantiradigan jamoaning bir qismiga aylanish imkoniyatini qo‘ldan chiqarmang.

School 21 - sizning IT olamiga yo‘lboshchingiz

Navbatdagi saralash bosqichlari ushbu sanalarda o‘tkaziladi:

•  Toshkent shahri — 23 sentyabrda, arizalar 19 sentyabrgacha qabul qilinadi.
•  Samarqand shahri — 30 sentyabrda, arizalar 24 sentyabrgacha qabul qilinadi.

O‘qish uchun ariza 21-school.uz havolasi orqali topshirilishi mumkin

• Samarqand

samarkand@21-school.uz

+998930394442

Samarqand shahri, Ibn Sino ko‘chasi, 17a

• Toshkent shahri

tashkent@21-school.uz

+998 93 039 4447

Toshkent shahri, Ziyolilar ko‘chasi, 13

Reklama huquqi asosida.