8 март одатда меҳр ва нафислик байрами сифатида нишонланади. Аслида эса бу кун аёлларнинг ютуқлари, уларнинг фан, маданият, иқтисодиёт ва жамият тараққиётига қўшган ҳиссаси қадрланадиган санадир. payme “Ожиза эмас аёллар” лойиҳасини ишга туширди, унинг мақсади аёлларнинг ютуқларини – улкан натижалардан тортиб, кундалик ҳаётдаги сезилмас, аммо муҳим ишларигача – эътироф этишдир.
Лойиҳа ҳақида
“Ожиза эмас аёллар” кампанияси шуни таъкидлайдики, ҳар бир аёл – бу куч, қатъият ва жамиятга қўшилган улкан ҳисса. Бу лойиҳа аёллар эришган муваффақиятлар сояда қолмаслиги кераклигини эслатади.
Ташаббус доирасида Тошкент, Бухоро ва Самарқанд шаҳарларида махсус стикерлар жойлаштирилди. Уларда QR-код ва “Ожиза эмас аёл” ёзуви акс этган. Ушбу стикерлар жамиятнинг ривожланишига ҳисса қўшиш йўлида меҳнат қилаётган аёллар билан боғлиқ муҳим жойларга ўрнатилди. QR-кодни сканерлаш орқали ўз истеъдоди ва саъй-ҳаракатлари билан мамлакат келажагини шакллантираётган аёллар ҳақидаги ҳикоялар билан танишиш мумкин.
Ўзбекистонда аёллар ютуқларига бағишланган ёдгорликлар кам. Кўпчилик билмаслиги мумкин, аммо Тошкентдаги экспериментал “Жемчуг” уйи – бу лойиҳанинг архитектори Офелия Айдинованинг фидокорона меҳнати ва истеъдодига бағишланган ҳақиқий ёдгорлик. Ёки 1920 йилда биринчи бўлиб паранжисини ечган ва педагог сифатида фаолият юритган Бибиш Юсупованинг шогирдлари унинг ёрқин хотирасидир.
“Ожиза эмас аёллар” – бу ёзувчи ва тадбиркорлар, архитекторлар ва жамоат арбоблари, технология, гастрономия ва туризм соҳаларида инноваторлик қилаётган инсонлар. Улар муҳим лойиҳалар, жамият учун янги имкониятлар яратади. Улар орасида Мадина Муминова – ёзувчи, ссенарист ва режиссёр, экологияга оид болалар китоблари муаллифи, Камиля Даминова – сунъий интеллект технологияларидан фойдаланган ҳолда оналар саломатлигини қўллаб-қувватлашга қаратилган ҲЕАЛ инновацион лойиҳасининг асосчиси жой олган.
payme аёллар ташаббусларини мунтазам қўллаб-қувватлайди
payme компанияси бир неча йилдан буён аёллар тадбиркорлиги ва ташаббусларини қўллаб-қувватлаб келмоқда. Илгари бренд growth.payme.uz платформасини ишга тушириб, унда аёллар ўз бизнес-ҳикоялари билан ўртоқлашишлари учун имконият яратган эди. Шунингдек, компания аёллар лойиҳаларини ривожлантиришга ёрдам берадиган таълим дастурларини қўллаб-қувватламоқда.
“Ожиза эмас аёллар” – бу аёлларнинг жамият ривожига қўшаётган ҳиссаси беқиёс эканини яна бир бор таъкидловчи муҳим ташаббусдир.
Ҳар бир инсон ғурур билан тилга оладиган аёллар бор. “Ожиза эмас аёллар” уларнинг жамиятдаги ўрни нақадар муҳим эканини эслатиб туради.
Реклама ҳуқуқи асосида.
Изоҳ (0)