Markaziy Osiyo tadbirkorlari, biznes egalari, marketologlari, tadbirkorlikni rivojlantiruvchi shaxslari, ijodkorlari va inflyuenserlar uchun asosiy tadbir bo‘lgan Jolbors Business Summit muvaffaqiyatli yakun topdi. Sammitda xalqaro ekspertlar hamda muvaffaqiyat va mag‘lubiyatlardan iborat yo‘lni bosib o‘tib, turli bozorlarda o‘ziga xos qiyinchiliklarni boshidan kechirgan mahalliy tadbirkorlar o‘z fikrlari bilan o‘rtoqlashdi. Tadbirga O‘zbekiston, Qozog‘iston, Qirg‘iziston, Tojikiston va Gruziyadan ishtirokchilar tashrif buyurishdi.
Xalqaro miqyosda va Markaziy Osiyo mintaqasida faoliyat yurituvchi tadbirkorlar, shuningdek, amaliyotchi ekspertlar notiqlar safidan o‘rin olib, ham Markaziy Osiyo, ham xalqaro bozorlarda biznes tashkil qilish va rivojlantirish bo‘yicha qimmatli g‘oyalar va amaliy tavsiyalar bilan bo‘lishdi. Me’yoriy-huquqiy tartibga solish bilan bog‘liq muammolarni bartaraf etishdan tortib madaniy xususiyatlarni ishga solishgacha bo‘lgan doiradagi mavzular ko‘rib chiqildi.
Jolbors Business Summit Jolbors kompaniyasining 3 nafar hammuassisi — Sabina Reyngold, Darya Suxodolova, Yana Dremina tomonidan tashkil etildi, Toshkentda u Moc ijodiy xabi bilan birgalikda uyushtirilib, Moct agentligi uning PR-hamkori bo‘ldi.
“Biz butun Markaziy Osiyo mintaqasida tadbirkorlar, marketologlar va ijtimoiy fikr yetakchilarini birlashtirgan bunday jadal va mazmunli tadbirni Toshkentda tashkil eta olganimizdan g‘oyat xursandmiz. Birgalikdagi harakatlarimiz hisobiga shunday miqyos va darajadagi tadbirni uyushtirishga muvaffaq bo‘lganimiz uchun sammitni tashkil etishga o‘z hissasini qo‘shganlarga, ayniqsa, bosh hamkorimiz Click, Kapitalbank, Coca Cola va boshqa hamkorlarimiz, notiqlarimiz, axborot hamkorlarimizga o‘z iftixorimiz va minnatdorchiligimizni bildiramiz. Qayta aloqani to‘plashga kirishgan ekanmiz, sammitda notiqlarimiz o‘rtoqlashgan turli qarashlar va tajriba odamlarni ilhomlantirib, biznesni rivojlantirish uchun tasavvurlarni hosil qilib berdi”, — deb Jolbors Business Summit hammuassisi Sabina Reyngold ta’kidlab o‘tdi.
Bo‘lim doirasidagi muhokamalar, norasmiy suhbatlar, yakkaxon va qo‘shma tarzdagi nutqlar kabi turli shakldagi chiqishlar keng doiradagi mavzularni yoritishga imkoniyat yaratib, bozor tendensiyalari, muvaffaqiyatsiz va, aksincha, natijador marketing strategiyalari, haqqoniy ma’lumotlarga asoslangan ishonchli misollar, moliyani boshqarish va Markaziy Osiyo mintaqasida biznesning ertangi kuni shular jumlasidan o‘rin olgan.
Misol tariqasida Jolbors va We Digital agentligining birgalikdagi bo‘lim doirasidagi muhokamasi “Inflyuenserlar muayyan biznes ko‘rsatkichlarini ko‘zlab ishlashi uchun nima qilish kerak?” degan mavzuga bag‘ishlandi. Qizg‘in kechgan munozarada quyidagi tarkibdagi ham marketing vakillari, ham inflyuenserlar ishtirok etishdi:
1. Teacher Azam loyihasining asoschisi Azam Qahramoniy;
2. Musiqachi, prodyuser va inflyuenser Sharif Abdullayev (Konsta);
3. Qirg‘izistonlik inflyuenser
Adilet Nogoibayev;
4. TBC Uz (Payme, TBC Bank) ACIM marketing bo‘yicha direktori Nodira Shermatova;
5. Korzinka.uz marketing bo‘yicha direktori Malik Karimov.
Inflyuenser va marketolog Feruzxan Yakubxodjayev esa ushbu davrada moderatorlik qildi.
Bahslar jarayonida haqiqat yuzaga kelib, inflyuenser ham, marketolog ham hamkorlikni boshlashdan oldin: “Men bilbordmanmi yoki insonmanmi?” degan savolni o‘ziga berishi kerak. Qarorni qabul qilishda esa nafaqat ehtimoliy qamrov ko‘rsatkichlari, balki axloq-odob nuqtayi nazardan ham kelib chiqqan holda yo‘l tutishlari lozim.
Forbes 30u30 ro‘yxatiga kiritilgan Andrey Reduto, sammit notiqi, Haraba (Avito tomonidan 2022-yilda sotib olingan) hammuassisi va bosh direktori chiqishida shunday dedi: “Biznesdagi asosiy cheklov bu — siz o‘zingiz. Qanchalik tez rivojlansangiz, biznesingiz ham shunchalik tez o‘sadi”.
Ko‘pgina tinglovchilarga bu gap ta’sir etdi. Sammitda yuqori sifatli va qulay tarzda aloqalarni o‘rnatish uchun maxsus tadbirlar ham tashkil etilgani bois ishtirokchilarning aksariyati ushbu fursatdan foydalanib, nafaqat O‘zbekiston, balki boshqa mamlakatlardagi hamkasblari bilan hamkorlik va hattoki sheriklik munosabatlarini o‘rnatdilar.
Sammit notiqlaridan biri, Ololo kompaniyalar guruhi hammuassisi va biznes boshqaruvchi Doniyor Amanaliyev o‘z biznesiga mehr berishga tayangan “kamroq qo‘rquv, ko‘proq mehr” tamoyiliga amal qilish muhimligini ta’kidlab o‘tdi. Chunki inson yonib-kuyib, o‘z tadbirkorlik faoliyatiga jonbozlik qilsa, u o‘z ishiga ko‘proq kuch bag‘ishlar ekan natijada o‘zi ham yanada ko‘proq kuchga ega bo‘ladi. Kuch esa hech bo‘lmasa tadbirkorning yo‘lida muqarrar bo‘lgan tashvish va muvaffaqiyatsizliklarga bardosh berish uchun kerak.
Amanaliyev quyidagi muhim yo‘nalishlarni aytib o‘tdi:
● qiziquvchan bo‘lish, yangi narsalarni sinab ko‘rib, muvaffaqiyatsizliklarga duch kelishda tezlikni oshirish;
● korporativ madaniyatni rivojlantirish: baxtli insonlargina baxtni atrofdagilar bilan baham ko‘rishadi;
● o‘z jamoangizni rivojlantirish — human2human business;
● hamjamiyatda moderator vazifasini bajarish;
● insonlar va kompaniyalar o‘rtasida aloqa o‘rnatish.
“Jolbors — biz nafaqat mazmuni, balki professional aloqalarni o‘rnatishga undaydigan maxsus muhitiga ham alohida e’tibor qaratadigan tadbirdir. Loyiha rivojlanib borgan yillari davomida biz nafaqat Markaziy Osiyo mintaqasida ijodkorlik va marketing sohasini rivojlantirishga, balki turli mamlakatlardan kelgan ishtirokchilar o‘rtasida qiziqarli qo‘shma loyihalar va hamkorlik yuzaga kelgan platformaga aylanishga muvaffaq bo‘ldik. Jolbors Business sammitida biz mamlakatlar va tarmoqlar o‘rtasidagi aloqalarni kengaytirish va biznes sifat jihatdan taraqqiy etishi uchun sinergiyaga ta’sirini hosil qilish maqsadida tadbirkorlar auditoriyasini jalb qildik”, deb Sabina Reyngold qo‘shimcha qildi.
Shu tariqa, Markaziy Osiyoning tadbirkorlar va marketologlarining faol hamjamiyatini Jolbors Business Summit zaminida shakllantirish ishlariga start berildi.
Tadbir qanday bo‘lib o‘tgani va navbatdagi sammit qachon o‘tkazilishi haqida sayt va Instagram’dagi sahifa orqali bilib olishingiz mumkin.
Jolbors Business Summit 13 yildan buyon Markaziy Osiyo mintaqasidagi marketologlar, reklamachilar va ijodkorlar hamjamiyatini birlashtirib kelayotgan hamda uni rivojlantirishda davom etib, mutaxassislarga o‘zining ixtisosligiga oid bilim va ko‘nikmalarini orttirib, birgalikda sohani yanada kuchliroq qilishga ko‘maklashayotgan Jolbors loyihasining tadbiri ekanligini eslatib o‘tamiz. Rivojlanish yillari davomida Jolbors sohadagi asosiy va eng muhim tadbiriga aylanib, NPS bo‘yicha mazmun jihatdan qoniqish darajasi 92 foizga teng kelib, ishtirokchilar tomonidan tashkil etilish darajasi 85 foizga baholangan.
Izoh (0)