TBC Group PLC 2024 - yilning birinchi choragi bo‘yicha asosiy raqamlarni ma’lum qildi. 10 may kuni bo‘lib o‘tgan yig‘ilishda guruh tomonidan kompaniyaning so‘nggi moliyaviy ko‘rsatkichlari tanishtirildi va TBC Group Uzbekistan ekotizimining mintaqadagi muvaffaqiyatli yutuqlariga urg‘u berildi.
Eng muhim yutuqlardan biri Payme va TBC UZ ilovalarida ro‘yxatdan o‘tgan foydalanuvchilar soni yil boshidan buyon 1,4 millionga oshib, jami 14,6 millionni tashkil etgani bo‘ldi. Ma’lumotlarga ko‘ra, mamlakat aholisining 13 foizi TBC Group mahsulotlaridan har oy davomida foydalanadi, bu natijaning o‘zi ham fuqarolarning kompaniya moliyaviy xizmatlariga bo‘lgan ishonchi yuqori ekanligini isbotlaydi.
Foydalanuvchilarning ortishi yana bir muvaffaqiyatli o‘sishni yuzaga keltirdi. O‘tgan yil bilan solishtirganda Payme ilovasi orqali to‘lovlarni amalga oshirish bo‘yicha foydalanuvchilar faolligi 21 foizga oshdi.
Joriy yilning ilk oylarida omonatlar hajmi $244 milliongacha ko‘tarildi. TBC bankning kredit portfeli 2023 yilning shu davriga nisbatan 110 foizga oshib $345 millionga yetdi. Markaziy bank statistikasini tahlili shuni ko‘rsatdiki, TBC Bank so‘nggi 6 oy ichida kredit berish toifasida eng yuqori o‘sishni qayd etdi.
Guruhning sof foydasi deyarli 1,5 barobar oshdi. Ushbu ijobiy moliyaviy ko‘rsatkich kompaniyaning muvaffaqiyatli faoliyati va resurslarini samarali boshqarishidan dalolat bermoqda.
TBC Group muvaffaqiyati faqatgina moliyaviy ko‘rsatkichlar bilan cheklanib qolmaydi. Jamoa, shuningdek, 17 xil millat vakillaridan iborat 1500 ga yaqin xodimlar bilan tez sur’atlarda o‘sib bormoqda. Bu ko‘p millatli va dinamik korporativ madaniyatni yaratish bo‘yicha uzoq yillik mehnatni samarasidir.
Yilning birinchi choragidagi bunday natijalar moliya bozorining faol rivojlanayotganidan dalolat beradi va iste’molchilar ham, investorlar ham “TBC Group”ning turli xil moliyaviy mahsulotlari va xizmatlariga qiziqish bildirayotganini anglatadi. Moliyaviy innovatsiyalar va barqaror rivojlanishdagi muvaffaqiyatlar kompaniyaning sohadagi mavqeini belgilaydi hamda mijozlar va hamkorlarning moliyaviy ehtiyojlarini qondirib kelayotganini tasdiqlaydi.
Reklama huquqi asosida.
Izoh (0)