Payme — yangilangan logotipini taqdim etdi

O‘zbekistonning yetakchi to‘lov xizmatlaridan biri —  payme yangilangan logotipini namoyish etdi.

Ushbu xodisa kompaniya uchun muhim voqea bo‘lib, brendni bozordagi o‘rnini mustahkamlash va foydalanuvchilar bilan bo‘lgan muloqotni yanada yaxshilashga yordam beradi.

Yorqin va harakat baxsh

Payme — yangi, yorqin va diqqatni tortadigan dinamik logotip bilan foydalanuvchilarga yanada yaqinlashmoqda. Bu nafaqat vizual ko‘rinishdagi o‘zgarish, balki mijozlar bilan muloqotni yaxshilash uchun qo‘yilgan yana bir qadamdir. Payme bilan har qanday muloqot va hamkorlik barcha uchun endi yanada qulay bo‘ladi.

Yangilangan ko‘rinish kompaniyaning doimo oldinga intilishini o‘zida jamlaydi. Yangi logotipda barcha uchun qadirdon bo‘lishga ulgurgan feruza rangi saqlanib qolinib, energiya baxsh sariq rang bilan uyg‘unlashgan. Taniqli o‘q shakli ham zamonaviy ko‘rinish olgan.

Har doim harakatda, xuddi siz kabi

Payme — foydalanuvchilarga pul o‘tkazmalaridan tortib davlat xizmatlari uchun to‘lov qilish tizimini soddalashtirib, 12 milliondan ortiq o‘zbekistonliklarning sevimli ilovasiga aylanishga ulgurdi.

«Funksional jihatdan bizning brend shunchaki to‘lovlar ilovasi emas! Bizning yordamimiz orqali odamlar o‘z xarajatlarini kuzatib boradilar va ularni rejalashtiradilar, bir-birlariga g‘amxo‘rlik qiladilar va boshqa xizmatlardan foydalanadilar. Payme — empatik brend, u o‘z foydalanuvchilarining dardi va istaklarini his qiladi hamda odamlar uchun yanada yaxshiroq va qulay imkoniyatlar yaratish uchun harakat qiladi. Aynan shuning uchun ham bir joyda to‘xtab qolmaydi, — deya qo‘shimcha qildi payme kompaniyasining Marketing Departamenti direktori — Nodira Shermatova.

Logotip va brend aydentika ustidagi qizg‘in izlanish

Logotip va brend aydentika ustida ikki marta mintaqada eng yaxshi deb topilgan va uch marta Red Jolbors festivalida Gran-prini qo‘lga kiritgan taniqli kreativ agentlik — Lokals CA jamoasi ish olib bordi. Brend aydentikasini yangilash bo‘yicha konsultant sifatida — Rossiyaning Depot WPF kreativ agentligining strategik direktori va Epica Awards hakamlar hayʼati aʼzosi — Farxod Qo‘chqorov taklif etildi.

Kelajakda yanada yaxshiroq

Payme logotipi va aydentikasining yangilanishi shunchaki tashqi ko‘rinishdagi o‘zgarish emas. Bu, birinchi navbatda, kompaniyaning qanday o‘sayotgani va o‘zgarayotganini aks ettiradi. Payme doimo rivojlanib, hozir va kelajakda ham foydalanuvchilar uchun yanada yaxshi hamkorga aylanishga intilib, o‘z qadriyatlariga sodiq qolishda davom etadi.

Reklama huquqi asosida.