Payme ilovasining “Kirim-chiqim” xizmati yordamida sarf-xarajatlarni samarali nazorat qilishni o‘rganish haqida.
Aziza onlayn nashr tahririyatida ishlaydi. U oladigan maosh bir oylik sarf-xarajatlarga yetmasligi yosh muharrirning doimiy muammosi edi. Buning sababini aniqlash uchun Aziza Payme ilovasidagi “Kirim-chiqim” xizmatini sinab ko‘rishga qaror qildi. Bir necha oy davom etgan tajriba natijasida qahramonimiz nafaqat qarz olishga majbur bo‘lmadi, balki kelajakdagi maqsadlari uchun pul to‘plashni ham boshlab yubordi.
Oldin qanday edi?
“Kirim-chiqim” xizmatiga ulanishdan oldin Aziza pullari qayerga ketayotganini anglolmasdi. Nazoratsiz chiqimlar oqibatida u har oy 300 mingdan 500 ming so‘mgacha tanishlaridan qarz olar edi.
Oylik xarajatlar asosan uy ijarasi, oziq-ovqat, kiyim-kechak va kosmetika xaridi, kommunal xizmatlar, go‘zallik saloni va taksi to‘lovlaridan iborat edi. Shuningdek, rejadan tashqari xaridlar, uygacha taom buyurtmalari va dugonalar bilan uchrashuvlar hamyonga sezilarli darajada zarar keltirardi. Aziza oddiy xaridlar va kafe uchun bir kunda 1 500 000 gacha sarflashi mumkin edi. “Men sarflarimni yoddan hisoblab chiqishga harakat qilardim, biroq raqamlar bir-biriga hech to‘g‘ri kelmasdi”, – deydi qahramonimiz.
Uch oylik tajriba va chiqimlar surati
“Mayning boshida men Payme ilovasida “Kirim-chiqim” xizmatini uladim va uni iyulning oxirigacha sinovdan o‘tkazdim, – hikoya qiladi Aziza. – Ushbu servis uchun oyiga bor-yo‘g‘i 2000 so‘m to‘lash kerak. Xarajatlarni kuzatish uchun to‘lovlarimni kartam orqali amalga oshirishga harakat qildim. Naqd pul zaruriyati tug‘ilishini ham inobatga olib, kartamdan har oy 800 ming so‘mdan yechib oldim”.
Payme’da chiqimlarni:
- sanalar;
- kartalar;
- toifalar;
- do'kon va kafelar;
- oluvchi va yuboruvchilar bo'yicha saralash mumkin.
Monitoring yordamida Aziza sarf-xarajatlarning haqiqiy suratini ko‘rishga erishdi:
– Ko‘pi men uchun kutilmagan yangilik bo‘ldi. “Kirim-chiqim” yordamida men quyidagilarni aniqladim:
Daromadimning asosiy qismi do‘konlardagi xaridlar uchun sarflanadi. Buni men “Toifalar” filtri orqali bilib oldim. Oldinlari ushbu xaridlar uchun qancha pul sarflashimni anglay olmasdim, shuning uchun chiqimlarim kirimga nisbatan ko‘proq bo‘lar edi.
Men foydalanmaydigan xizmat obunasi uchun pul yechib olinmoqda. Bu filmlar tomosha qilish servisi. Men undan vaqtim kamligi uchun foydalanmay qo‘ygan edim, biroq obunani bekor qilish esimdan chiqibdi. Payme menga buni eslatdi va men xizmatni o‘chirib qo‘ydim.
Iyunda chiqim va kirim o‘rtasidagi farq keskin oshadi. Ushbu oyda oyimning tug‘ilgan kuni va sovg'a olish har doimgidek moliyaviy imkoniyatimga to‘g‘ri kelmaydi. Shuning uchun oyning oxirida qarz olishga to‘g‘ri keladi. Bundan keyin iyun oyi sarf-xarajatlarini belgilashda tug‘ilgan kunni ham inobatga olaman va sovg‘a uchun ma’lum summani ajratib qo‘yaman.
Natija
Tajriba davomida Aziza faqat bir marta qarz oldi, boshqa oylarda esa u sarf-xarajatlarini kuzatishga va zarar ko‘rmaslik uchun shaxsiy byudjetini samarali rejalashtirishga erishdi. “Men zarar ko‘rmadim, iyulning oxirini hatto foyda bilan yakunladim: oylik maoshimdan 1 500 000 so‘m saqlab qolishga erishdim”.
Payme ilovasini iOS va Android uchun yuklab oling.
Instagram: @payme.uz
Facebook: fb.com/payme.uz
Telegram: t.me/payme_uz
Reklama huquqi asosida.
Izoh (0)