24 sentabr kuni FTV telekanalida dunyoning keng miqyosdagi vokal shousi start oladi! “FTV” (“UzReport” AAga tegishli) xalqaro formatdagi “The X-factor” loyihasini namoyish etish uchun Britaniyaning FreemantleMedia kompaniyasidan rasmiy huquqlarni sotib olgan birinchi telekanal bo‘ldi.
“The X-faktor” – dunyoga eng mashhur isteʼdodlar vokal shousi bo‘lib, ushbu formatni dunyoning ellikdan ortiq mamlakatlarida o‘tkaziladi. O‘zbekiston ushbu loyihani amalga oshirgan ellik sakkizinchi davlatga aylandi. Mazkur shou dunyo arenasida allaqachon o‘z o‘rnini egallab ulgurgan va yorqin isteʼdodlarni kashf etish hamda yangi yulduzlarni ommaga olib chiqish orqali o‘zini mustahkam namoyon eta olgan loyihadir.
“Biz televizion trendlar yaratib, dunyoning mashhur formatdagi loyihalari bilan hamkorlikda ishlab, eng ilg‘or xalqaro tajribalarni o‘rgangan holda, O‘zbekistonda media bozorini rivojlantirishga o‘z hisamizni qo‘shyapmiz. Bugungi kunda mamlakatimizda katta formatli shoularni yaratish murakkab vazifa bo‘lsada, faqatgina orzuga intilib, tavakkal qilgan holda dadil qarorlar chiqarib va sinovlardan qo‘rqmay omadga erisha olamiz”, – deya “UzReport AA” bosh direktori Ravshanxon Jurayev shouni yo‘lga qo‘yish borasida o‘z fikrlarini izohlaydi.
“X-faktor” loyihasining birinchi bosqichi – kastinglar, O‘zbekistonning 5 ta yirik shaharlari: Samarqand, Namangan, Buxoro, Xorazm va Toshkentda bo‘lib o‘tdi. Bu bosqichda katta sahnada o‘z kuchini sinab ko‘rishni istovchilar soni rekord darajaga yetib, deyarli 6 ming ishtirokchini tashkil etdi!
Kastingga kelgan ishtirokchilarning soni ko‘p bo‘lishiga qaramay, ularning orasidan faqatgina 100 nafar eng isteʼdodlilari birlamchi hakamlar ko‘rigidan o‘tdi va Mashg‘ulotlar lageriga yo‘l oldi. U yerda ishtirokchilar hakamlar tomonidan belgilangan murakkab, baʼzida esa deyarli qilinishi imkonsiz bo‘lgan vazifalarni bajargan holda, shouda qolish uchun mashaqqatli kurashni davom ettirishdi.
Ana shu 100 nafar ishtirokchilar orasidan boshqalarga qaraganda sinovlardan yaxshiroq o‘ta olgan faqatgina 24 nafari, keyingi — “Stullar” nomli saralash bosqichiga yo‘l oldi va quyidagi to‘rtta kategoriyalarga bo‘lindi: “Yigitlar”, “Qizlar”, “25 yoshdan kattalar” va “Jamoalar”. Ushbu bosqichdagi hakamlar ko‘rigidan keyin esa “X-faktor” loyihasida atigi 12 nafar vokalist qoldi. Ana shu ishtirokchilar ko‘p millionlik tomoshabinlar ko‘z o‘ngida shouning jonli efirlarida yurtimizning eng isteʼdodli xonandasi nomini olish uchun uzoq va mashaqqatli kurashni davom ettirishadi. Aynan teletomoshabinlar o‘zlariga hush yoqqan ijrochiga ovoz berib ularning kelgusi taqdirini hal qilishadi va shouda qolishlariga imkoniyat yaratishadi. Bejizga “X-faktor” ni eng “xalqchil” shou deb atashmaydi.
Bir so‘z bilan aytganda, “X-Faktor” tomoshabinlari “Kastinglar”, “Mashg‘ulotlar lageri”, “Stullar” kabi dastlabki bosqichlarni ko‘rish imkoniyatiga ega bo‘ladilar – hech narsa kadr ortida qolmaydi, loyiha to‘liq tarzda, birinchi epizoddan tortib, g‘oliblarning ismlari eʼlon qilinuvchi so‘nggi epizodlargacha ko‘rsatiladi.
“To‘g‘risini tan olaman, ushbu shou ko‘lami meni hayratga soldi: kastinglar geografiyasi, o‘z kuchini sinab ko‘rishni istovchilar soni – bu esa 6 mingdan ortiq insonlar demakdir. Bunday ko‘rsatkichlar, o‘z o‘rnida, loyihaga bo‘lgan katta qiziqishni anglatadi. Va, albatta, hayratlanarli sahna, ajoyib tasvirga olish jarayonlari, vokal darajasi va ishtirokchilar chiqishlari yodda qolarli bo‘ldi. O‘zbekistonda bunday shou hali hech qachon bo‘lmagan! “X-faktor” katta yangilikka aylanishi va O‘zbekistondagi vokal loyihalarning namunasi bo‘lishiga ishonaman», - deya, shouning ijrochi prodyuseri Dildar Islamova o‘z taasurotlari bilan bo‘lishdi.
“X-faktor” loyihasidagi hakamlar o‘rindiqlarini estradamizning yorqin, isteʼdodli va o‘ziga hos vakillari egallashdi: betakror vokalist, nafis va latofatli – Lola Yo‘ldosheva, musiqiy prodyuser, energiyaga to‘la, qattiq qo‘l va kutilmagan qarorlar sohibi – Ibrohim Ahmedov, o‘zbek musiqiy anʼanalariga sodiq– Ravshan Komilov, hamda yosh, isteʼdodli va kreativ – xonanda Jasmin. Aynan ushbu hakamlarga sharafli va masʼuliyatli vazifa – “X-faktor” loyihasining birinchi mavsumi ishtirokchilarini baholash va saralash huquqlari berilgan!
Jonli efirlar bosqichida esa odil hakamlar kategoriyalar bo‘yicha murabbiyga aylanishadi va o‘z jamoalarini shouda g‘alaba tomon yetaklaydilar.
Qayd etish joiz, “X-faktor” o‘zbek shousining g‘olibi yurtimizning eng isteʼdodli xonandasi unvoniga erishadi, 100 mln so‘m pul yutug‘ini qo‘lga kiritadi va “FTV” telekanalidan axborot ko‘magi hamda qo‘shiqlarni efirlarda aylantirish imkoniga ega bo‘ladi.
“X-faktor” shousining ilk soni 24-sentabr soat 20:00 da “FTV” telekanalida efirga chiqadi. Sizni tomoshabop shou, his-tuyg-ularga boy va maroqli chiqishlar, hamda ko‘plab yorqin taassurotlar kutmoqda!
O‘zbekistondagi “X-faktor” shousining bosh hamkorlari: O‘zbekiston Respublikasi ekologiya vazirligi, O‘zbekiston Respublikasi Turizm rivojlantirish qo‘mitasi.
Hamkorlar: “PayMe” to‘lov tizimi va Procter&Gamble transmilliy kompaniyasi.
X-faktor va hamkorlar dasturi ushbu havolalarda:
FTV kanal: https://instagram.com/ftv_kanal
X-faktor: https://instagram.com/xfactoruz
O‘zbekiston Respublikasi ekologiya vazirligi: https://uznature.uz/
O‘zbekiston Respublikasi turizm rivojlantirish qo‘mitasi: https://uzbektourism.uz/
Procter&Gamble: https://pg.com/
Payme: https://ad.payme.uz/qlxfactor
Reklama huquqi asosida.
Izoh (2)
Ishtirok etmoqchi edim
Man ham ishtirok etmoqchi edim