7-oktyabrda “Anhor” bog‘ining karting markazida har yilgi xalqaro reklama konferensiyasi, ABC show, TAF!23 tanlovi hamda “2023 yil reklamasi” tanlovi g‘oliblarini taqdirlash marosimi, shuningdek, birinchi marta, Night party va digital “xalfana”-konsert bo‘lib o‘tadi.
TAF!23 Toshkent reklama festivali O‘zbekistondagi yagona reklama bayrami bo‘lib, unda marketing va reklamaga qiziquvchi yoki professional darajada shug‘ullanuvchi har kim o‘zi uchun foyda va manfaat topadi. Festivalda eng faol brendlar, agentliklar, hamkorlar, ekspertlar va iste'molchilar qatnashadilar. Konferensiyada qatnashish uchun mashhur xorijiy spikerlar keladilar, ular mahalliy ekspertlar bilan o‘z amaliy bilimlarini baham ko‘railar. Bundan tashqari, festival ishtirokchilari eng yaxshi jahon reklamasi g‘oyalari bilan tanishish va ulardan ruhlanish hamda rangorang reklama shousida qatnashishning noyob imkoniga ega bo‘ladilar.
Mazkur nihoyatda keng ko‘lamli voqeani O‘zbekiston Respublikasi Raqobatni rivojlantirish va iste'molchilar huquqlarini himoya qilish qo‘mitasi, O‘zbekiston marketing uyushmasi festival hamkorlari ko‘magida tashkil etdilar.
Bu yil festival O‘zbekiston, Qozog‘iston, Rossiya, Armaniston, Belarusdan 18 nafar spikerni, 110 nafar milliy brend va agentliklar vakillaridan iborat tanlov ekspert hay'atini, “2023 yil reklamasi” tanlovida qatnashuvchi 288 ta keys va 175 ta brend hamda reklama agentliklarini, ochiq ovoz berishda qatnashadigan o‘n minglab iste'molchini, O‘zbekiston marketing uyushmasining 130 dan ziyod hamkori va 100 dan ortiq ekspertini, shuningdek #TushinishATFirst, tushunish – eng muhimi ekanligi haqidagi festivalning bosh g‘oyasini qo‘llab-quvvatlagan hamkor kompaniyalarni jamladi. Biz yakdilmiz va bizni hammamiz turlicha ekanimiz birlashtiradi! Understanding is the key to success!
Festival dasturida: mahalliy va xalqaro ekspert hay'atining fikriga ko‘ra TAF!23 tanlovi, iste'molchilar fikriga ko‘ra “2023 yil reklamasi” tanlovi, xalqaro reklama konferensiyasi, ABC show va g‘oliblarni taqdirlash marosimi, Night party va digital “xalfana”-konsert.
7-oktyabr, shanba kuni TAF!23 xalqaro reklama konferensiyasida O‘zbekiston, Qozog‘iston, Rossiya, Armaniston, Belarusdan yetakchi jahon brendlari bilan ishlovchi va xalqaro festivallarda eng yuksak sovrinlarni qo‘lga kiritgan mashhur ekspertlar qatnashadilar.
TAF!23 xalqaro reklama konferensiyasi spikerlari:
- Andrey Paukov, “ZebraHero” prodakshn direktori (Rossiya)
- Nail Muratov, “Seed Almaty” kreativ direktori (Qozog‘iston)
- Shamil Valishev, “Uzum Market” marketing direktori (O‘zbekiston)
- Andrey Osokin, “Detskiy mir” marketing direktori (Rossiya),
- Dmitriy Belchenko, SIMB-AD tijorat direktori (O‘zbekiston)
- Yuliya Udovenko, “Rodnaya rech” DK marketing bo‘yicha vitse-prezidenti (Rossiya)
- Shavkat Karimov, O‘zbekiston IT-hamjamiyati boshlig‘i (Uzbekistan),
- Dmitriy Pribыsh, DTI boshqaruvchi hamkori (Belarus),
- Ilhom Sobirov, “Yandeks Reklama” rahbari (Uzbekistan)
- Ivan Proskuryakov, rejissyor (O‘zbekiston)
- Xayk Simonyan, CEO of Doping Creative Agency (Armaniston)
- Dmitriy Semyonov, “Ucell” marketing rahbari (O‘zbekiston)
- Kamilla Mo‘minova , “TBC Bank” marketing rahbari (O‘zbekiston)
Nodira Shermatova, “Payme” marketing rahbari (O‘zbekiston)
Diyor Mirzaahmedov, TAF!23 festivali tashkilotchisi:
“Toshkent reklama festivali – bu har yilgi xalqaro prfoessional loyiha bo‘lib, bu yil u ishtirokchilarni reklama va marketingdagi asosiy tendensiyalar bilan tanishtirib gina qolmay, yangi formatlarni ham sinovdan o‘tkazadi. Bu yil biz ikkita tanlov tashkil etdik: hay'at fikriga ko‘ra va iste'molchilar fikriga ko‘ra, dasturga ko‘ngilochar oqshom shousini kiritdik: Night party va digital “xalfana”-konsert. O‘z tadbirlarini o‘tkazishni rejalashtirgan va festival ishtirokchilariga mukofotlar tayyorlab qo‘ygan hamkorlarimiz ko‘p. Hammani ko‘rishdan mamnun bo‘lmiz! Festivalda ko‘rishgungacha!”
Konferensiya doirasida, an'anaga ko‘ra, jahon reklama festivallari g‘oliblari bo‘lgan eng yaxshi reklama posterlari uchun ishtirokchilar o‘rtasida ovoz berish bo‘lib o‘tadi. Eng yaxshi ishlar xayriya auksioni qatnashchisiga aylanadi, undan tushgan mablag‘lar “Mehrli qo‘llar” fondiga yo‘naltiriladi.
Xalqaro reklama konferensiyasi yakunlanishi bilan, soat 17:00 da TAF!23 tanlovlari g‘oliblarini taqdirlash marosimi boshlanadi.
Bu yil tanlovda 288 ta keys, 109 ta brend va agentlik qatnashdi. 19 ta nominatsiya bo‘yicha g‘oliblarni 110 nafar mahalliy va 14 nafar xalqaro tanlov hay'ati a'zolari aniqlaydilar. Iste'molchilar fikriga ko‘ra “2023 yil reklamasi” tanlovi alohida tashkil etildi. G‘oliblarni iste'molchilar @makon_brand_bot telegram-botida tanladilar. Taqdirlash marosimiga kirish – erkin.
Taqdirlash marosimidan keyin Night party – ko‘ngilochar oqshom dasturiga taklif etamiz. Bu yerda siz ABC show, Chevrolet taqdimoti, DJ battle, jo‘shqin raqslar, hamkorlardan ziyofat va ichimliklar, sovrinlar o‘ynalishiga guvoh bo‘lasiz.
Yilda bir marta Toshkentda eksklyuziv ABC show – eng yaxshi jahon reklamasi kolleksiyasining namoyishi o‘tkaziladi. Kolleksiya har yili yangilanadi, bu 45 ta jahon reklama va marketing festivallarida sovrinlarni qo‘lga kiritgan eng yaxshi video-roliklarning bir soatli namoyishidir. Siz bu yil reklama texnologiyalari sohasida tayyorlangan eng yaxshi mahsulotlardan bir olam kreativ hamda hissiyotlarga ega bo‘lasiz!
Festivalni Digital “xalfana”-konsert – reklama bozori vakillari uchun norasmiy tadbir yakunlaydi. Birinchi marta reklama ekspertlari keyslar haqida so‘zlamay, qo‘shiq kuylaydilr! Hyech qanday keyslar, hyech qanday spikerlar, hyech qanday taqdimotlar. Faqat jo‘shqinlik, nekbinlik va jonli musiqa! Digital “xalfana”-konsertda qatnashish – bepul, quyidagi havola orqali ro‘yxatdan o‘tish kifoya: https://digitalkvartirnik.timepad.ru/event/2547197/
Festivalning bosh hamkori – AGROBANK.
Autopartner – Chevrolet.
Festival to‘g‘risida batafsil axborot: https://marketing.uz/tafest-2023/uz/
Konferensiyaga chiptalar – iticket.uz`da
https://iticket.uz/ru/events/trainings/mezhdunarodnaya-reklamnaya-konferenciya-taf23/26393
Night Party`ga chiptalar
https://iticket.uz/ru/events/concerts/taf-night-party/26394
Izoh (0)