Toshkent shahar Mirzo Ulug‘bek tumanida avtobus texnik nosozlik sabab daraxtga urilgani haqida xabar berilgan edi. Haydovchi voqea haqida gapirib berdi.
Uning so‘zlariga ko‘ra, o‘sha payt svetaforning qizil chirog‘i yongan bo‘lgan. Lekin u texnik nosozlik sabab avtobusni to‘xtata olmagan. Shu payt transport ichida o‘nlab yo‘lovchilar bo‘lgan.
Ikki yildan beri avtobus haydayman. Tezlik 35 atrofida edi. Dastlab yengil mashinaga, keyin daraxtga urildim. Yo‘lovchilarni tezlikda qutqarganman. “Polik”ka yotinglar, deganman, deydi haydovchi.
Yo‘lovchilar evakuatsiya qilingan. Hodisa joyiga tez yordam mashinalari kelib, ularga tez tibbiy yordam ham ko‘rsatilgan. Og‘ir jarohatlanganlar bo‘lmagan. Maʼlumotlarga ko‘ra, bir kishi jarohat olgan.
Hozirda hodisaning barcha holatlarini o‘rganish bo‘yicha tekshiruv o‘tkazilmoqda.
17-fevral kuni Toshkentning Shayxontohur tumanida avtobusning motor qismining elektr simlarida qisqa tutashuv sodir bo‘lgandi. 2024-yil 19-dekabr kuni Yangi Sergeli va Qipchoq ko‘chalari chorrahasida avtobusda yong‘in chiqqandi.
Transport vazirligi bergan ma’lumotga ko‘ra, Toshkent shahriga yana 1000 ta Yutong avtobuslarini olib kelish imkoniyatlari o‘rganilmoqda.
Izoh (0)