Ma’lum bo‘lishicha, Uitni Hyuston o‘zidan keyin qariyb 20 million dollar qarz qoldirib ketgan, biroq mashhurlik cho‘qqisida yulduzning boyligi 40 million dollarga baholangan. Jorjiyadagi hashamatli uy narxini chegirib tashlagandan keyin ham anchagina pul qolgan edi, ularning bir qismi bir nechta mashina sotib olishga ketgan.
Rolls-Royce Silver Spur Mark 1
Uitni Hyuston 1986-yilda ishlab chiqarilgan limuzinni xonandaning albomlarini nashr etuvchi Nippy, Inc. kompaniyasi orqali sotib olgan va bu modeldan uzoq vaqt foydalangan. 1980—1988-yillarda ishlab chiqarilgan Rolls-Royce Silver Spur Mark 1 Rolls-Royce Silver Spirit’ning kengaytirilgan versiyasi edi.
Silver Spirit/Spur modellari kapotdagi Ekstaz ruhi haykali yig‘iladigan birinchi Rolls-Royce avtomobillari sifatida tarixga kirdi. 1986-yilda AQSHda Silver Spur’ning boshlang‘ich narxi 186 000 dollarni tashkil etgan. Uitni Hyustonga tegishli nusxa salonning oldingi va orqa qismlari o‘rtasidagi shaffof to‘siqdan tashqari, televizor, videomagnitofon hamda billur qadahli bar bilan jihozlangan edi. Hozirda pop-musiqa yulduzi Uitni Hyustonning Rolls-Royce Silver Spur Mark 1 avtomobili Pensilvaniya shtatining Hershi shahridagi Amerika avtomobillari tarixiga bag‘ishlangan AASA muzeyi kolleksiyasida saqlanmoqda.
1991-yilgi oq Porsche 911 (964) Carrera Convertible
Ushbu model 1990—1993-yillar davomida ishlab chiqarilgan bo‘lib, 250 ot kuchiga ega bo‘lgan 3,6 litrli 6 silindrli oppozit dvigatel bilan jihozlangan.
Ma’lum bo‘lishicha, 2004-yilda qo‘shiqchi Alfaretta shahrida avtobusning orqa qismini urib ketgan. Tezlik katta bo‘lmagan, shuning uchun kabrioletning faqat oldingi bamperi almashtirilgan. Bundan tashqari, Uitni avtobus kompaniyasiga yetkazilgan zarar uchun tovon to‘lagan. 2024-yil avgustida qo‘shiqchining Porsche’si auksionda atigi 42,000 dollarga sotilgan.
Uitni Hyustonning boshqa shaxsiy avtomobillari haqida juda kam narsa ma’lum. Mish-mishlarga ko‘ra, qo‘shiqchi Honda Civic’ni yaxshi ko‘rgan. Shuningdek, qo‘shiqchining garajida quyidagi avtomobillar bo‘lgan:
- Bir nechta Mercedes-Benz SL500. Bu R129 va R230 seriyali modellarga tegishli bo‘lib, ular 5 litrli V8 dvigatel va 300 ot kuchidan ortiq quvvatga ega edi.
- Mercedes-Benz S600. Hashamatli shvab sedani bo‘lib, AQSHda odatda status ramzi sifatida foydalanilgan.
- BMW 7 seriyasi. Agar “olti yuz” biroz rasmiy tuyulsa, Uitni bu avtomobilni ko‘proq erkin, ammo shunga qaramay nufuzli alternativaga aylantirishi mumkinligini bilardi.
- Lamborghini Diablo. Uitni Hyuston mexanik uzatmalar qutisini boshqa olardi, chunki bu V12 bilan Italiya superkarida ishlatilgan yagona transmissiya turi edi.
- Cadillac Escalade. Uitni bu kuch va qudratning ramzi bo‘lgan avtomobilni ham yoqtirardi.
- Range Rover. Ushbu “britaniyalik” hashamati bilan Atlantikaning ikki tomonida ham qadrlanadi.
Ko‘rib turganimizdek, Uitni Hyuston asosan Yevropa avtomobillarini afzal ko‘rgan, ammo uning qo‘shiqlari butun dunyoni zabt etdi. Ginnesning rekordlar kitobiga ko‘ra, 2009-yilga kelib Xyuston eng ko‘p mukofotlangan ayol san’atkor bo‘lgan va Rolling Stone jurnali xonandani 100 ta eng zo‘r ijrochilar ro‘yxatiga kiritgan.
Izoh (0)