Senat O‘zbekistonda diniy sohadagi davlat siyosati konsepsiyasini maʼqullashi, Qashqadaryoda o‘quvchi o‘qituvchisiga tarsaki tushirishi, qurilish maydonlarida atmosfera havosini buzgan tashkilotlarning mansabdor shaxslari jarimaga tortilishi — “Daryo” nashri bugun, 20-fevralda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkentda avtobus yonib ketdi
Hodisa oqibatida halok bo‘lgan va jabrlanganlar yo‘q.
O‘zbekistonda banklar 12 oy davomida foydalanilmagan kartalarni bloklashi mumkin
Humo to‘lov tizimi faol bo‘lmagan bank kartalarini oldindan vaqtinchalik bloklab qo‘yish tavsiya etdi.
O‘zbekistonliklar 8-mart munosabati bilan ketma-ket 3 kun dam oladi
Xotin-qizlar kuni shanbaga to‘g‘ri kelgani sababli dam olish kuni dushanbaga ko‘chiriladi.
Senat O‘zbekistonda diniy sohadagi davlat siyosati konsepsiyasini ma’qulladi
Unda diniy sohadagi davlat siyosatining maqsadi, vazifalari, prinsiplari, ustuvor yo‘nalishlari va ularni amalga oshirish mexanizmlari belgilanmoqda.
O‘zbekistonda o‘ziga kredit ajratilishini taqiqlash ko‘zda tutilgan qonun ma’qullandi
Qonunda kredit byurolariga nisbatan qo‘llanadigan choralar va sanksiyalar ham aks ettirilmoqda.
Parkentdan Toshkent shahrigacha salkam 24 km uzunlikdagi temiryo‘l barpo etilmoqda
Bu haqda Toshkent viloyati hokimi Zoir Mirzayev o‘zining Telegram kanalida maʼlum qildi.
Qashqadaryoda o‘quvchi o‘qituvchisiga tarsaki tushirdi
Holat o‘rganilib, o‘qituvchi va o‘quvchining ota-onasi javobgarlikka tortildi.
O‘zbekistonda 2024-yildagi qurilish ishlarining umumiy qiymati ma’lum qilindi
Qurilish bilan shug‘ullanayotgan korxona va tashkilotlar soni 27 408 tani tashkil etgan.
Toshkentda erkak halok bo‘lgan binodagi qurilish noqonuniy bo‘lib chiqdi
U zinapoyadan toyib, binoning yerto‘la qismiga tushib ketgan va shu joyning o‘zida vafot etgan.
O‘zbekistonda tadbirkorlarga uch bosqichli jarima qo‘llash bekor qilinmoqda
Uning o‘rniga qaytmagan aktivlarning 20 foizi miqdorida bir martalik moliyaviy jarima qo‘llanishi mumkin.
Banklardagi omonatdan pul yechib olayotganda ushbu mablag‘ning manbasi haqida maʼlumot talab qilinmaydi — Markaziy bank
MB moliyaviy xizmatlar ko‘rsatilishiga doir yuzaga kelayotgan muammo va kamchiliklarni bartaraf etish choralarini ko‘rib boradi.
O‘zbekistonda xiyobonlar, istirohat bog‘lari hududlarini muhofaza qilish kuchaytiriladi
Aholi dam olishi uchun foydalaniladigan yerlarni qisqartirish, ularda bino va inshootlar qurish taqiqlanishi ko‘zda tutilgan qonun ma’qullandi.
“O‘qituvchiga hech qanday chora ko‘rilmagan”. Vazirlikning Qashqadaryodagi mansabdori ombudsman maʼlumotining bir qismini rad etdi
Boshqarma boshlig‘i voqeadan so‘ng o‘qituvchiga chora ko‘rilgani bilan bog‘liq axborot xato ekanini, ammo o‘quvchining ota-onasiga jarima qo‘llanganini aytdi.
Toshkentda o‘quvchini boshiga bir necha marotaba urgan o‘qituvchi jarimaga tortildi
O‘quvchi darsga xalaqit qilib, sinfxona eshigini bir necha marta tepgan va taqillatgan.
Endi qurilish maydonlarida atmosfera havosini buzgan tashkilotlarning mansabdor shaxslari jarimaga tortiladi
Bugunga qadar milliy qonunchilikda shaharsozlik qoidalari doirasida aynan qurilishda changning havoga ko‘tarilishiga yo‘l qo‘yganlik uchun aniq javobgarlik nazarda tutilmagan.
Xodim ish vaqtida uxlasa bo‘ladimi? Huquqshunoslar tushuntirish berdi
Bugun, 20-fevral kuni Oliy Majlis senatining IX yalpi majlisida surxondaryolik senator Dilbar Suvonovaning chiqishi paytida majlis ishtirokchilaridan biri uxlab yotgani tasvirga tushib qoldi. Senat axborot xizmatining maʼlum qilishicha, majlisida uxlab qolgani aytilayotgan ishtirokchining sog‘lig‘i yomonlashib qolgan.
Mazkur holat tarmoqlarda keng muhokamalarga sabab bo‘lmoqda. “Daryo” muxbiri huquqshunos Muhammadamin Karimjonovdan xodim ish vaqtida uxlab qolishi qonunchilikda qanday tartibga solinishi yuzasidan izoh oldi.
Toshkent viloyatida yuk mashinasi yo‘lga o‘tirib olgan shaxsni urib ketdi (video)
Haydovchi ehtiyot chorasi sifatida qamoqqa olindi.
Izoh (0)