Toshkent shahrining Mirzo Ulug‘bek tumanidagi Ziyolilar ko‘chasida avtobusning yurish qismidagi texnik nosozlik kuzatildi. Bu haqda poytaxt hokimligi matbuot xizmati xabar berdi.
Oqibatda avtobus daraxtga urilgan. Voqea joyiga tezkor ravishda qutqaruv xizmatlari va tez tibbiy yordam brigadalari yetib kelgan.
Maʼlumotlarga ko‘ra, bir kishi jarohat olgan.
Hozirda hodisaning barcha holatlarini o‘rganish bo‘yicha tekshiruv o‘tkazilmoqda.
17-fevral kuni Toshkentning Shayxontohur tumanida avtobusning motor qismining elektr simlarida qisqa tutashuv sodir bo‘lgandi. 2024-yil 19-dekabr kuni Yangi Sergeli va Qipchoq ko‘chalari chorrahasida avtobusda yong‘in chiqqandi.
Transport vazirligi bergan ma’lumotga ko‘ra, Toshkent shahriga yana 1000 ta Yutong avtobuslarini olib kelish imkoniyatlari o‘rganilmoqda.
Izoh (0)