Fransuz komediyalari doimo o‘zining yengilligi, tafsilotlarga e’tibori va nozik hazili bilan shuhrat qozongan. Quyida jahon kinoprokatining xitiga aylangan, Parij romantikasi va Provans estetikasini mashhur qilgan filmlarni eslaymiz.
“Sen-Tropelik jandarm”, 1964-yil
Rejissyor Jan Jiro tomonidan suratga olingan mashhur kinokomediyalar turkumi, unda bosh rolni Lui de Fyunes ijro etgan. “Sen-Tropelik jandarm” filmi jandarm Lyudovik Kryusho sarguzashtlari haqidagi olti qismli kinoning birinchisidir.
Voqea fransuz qishlog‘idan bo‘lgan g‘ayratli jandarmning unvoni ko‘tarilishi va shu bilan birga Sen-Trope shahar politsiya bo‘limiga ko‘chib o‘tishi bilan boshlanadi. Jenevyev Grad ijrosidagi voyaga yetgan qizi Nikol, yangi turmush o‘rtog‘i Klodi Jansak ijrosidagi Jozefa hamda katta serjant Jerom Jerber lavozimidagi Mishel Galabryu rahbarligida omadli jandarm bir nechta bema’ni jinoyatlarni fosh etishi lozim bo‘ladi.
“Katta sayr”, 1966-yil
“Katta sayr” voqealari 1942-yilga kelib bosib olingan Fransiyada kechadi. Muhim topshiriqni bajarib qaytayotgan Britaniya harbiy-havo kuchlarining uch uchuvchisi dushman snaryadiga duch kelgach, samolyotni tark etishga majbur bo‘ladi va turk hammomlarida uchrashishga kelishib oladi.
Birinchisining parashyuti bo‘yoqchi Ogyusten Buve ishlaydigan uyning tomiga tushadi. Ikkinchisi Parij operasi binosiga qo‘nadi va Stanislas Lefor ismli dirijyorning xonasiga yashirinadi. Ekipaj komandiri esa tyulenlar suzib yurgan hovuzga sho‘ng‘iydi.
“Otalar”, 1983-yil
Fransis Veberning uchta mashhur komediyalaridan ikkinchisi fransuz aktyori Pyer Rishar va uning rossiyalik hamkasbi Jerar Depardye ishtirokidagi ajoyib komediya juftligi hisoblanadi.
“Otalar” filmining bosh qahramonlari omadsiz o‘qituvchi Fransua Pinyon va tajribali jurnalist Jan Lyuka. Ular eski do‘stlari Kristinning iltimosiga ko‘ra uning o‘g‘li — 17 yoshli Tristanni qidirishga yo‘l oladi. Qahramonlarning har biri o‘zini yosh yigitning otasi deb biladi, ammo uning haqiqiy otasi borligidan bexabar.
“Taksi”, 1998-yil
“Taksi” syujetining markazida Frederik Difental ijrosidagi halol, biroq omadsiz politsiya inspektori Emilien hamda Sami Naseri gavdalantirgan xushfe’l, lekin dovyurak taksi haydovchisi Daniel turadi.
Ular do‘stlashgach, Marsel va uning atrofida sodir etilgan bir qator jinoyatlarni fosh etadi. Ularni jasoratga Emma Viklund - Petra va Marion Kotiyar - Lili obrazlari, shuningdek, Bernar Farsi ijrosidagi fransuz politsiyasi komissari Jerar Jiber ruhlantiradi.
“Fantomas”, 1964-yil
Lui de Fyunes ijrosidagi komissar Juv va niqobli qo‘lga tushmas jinoyatchi Fantomas — Jan Mare haqidagi hazil trilogiya.
“Fantomas” deb nomlangan filmning markaziy qahramoni — professional sheriklardan iborat jamoasi bilan mohir o‘g‘ri va qotildir. Uni qo‘lga olish deyarli imkonsiz: jinoyatdan so‘ng u qurbonning qiyofasiga kirib, mutlaqo begunoh odamning barmoq izlarini qoldiradi. Komissar Juv uning sirini ochishi va hamtovoqlarini fosh qilishi kerak, bu ishda unga “Tong” gazetasi muxbiri yordam beradi.
“Ameli” 2001-yil
Bosh rolni Odri Totu ijro etgan, fransuzcha yengil romantik komediya. Rejissor Jan-Pyer Jenening “Ameli” filmi atrofidagi dunyoga yorqin bo‘yoqlar qo‘shish va atrofdagilarni baxtli qilishni orzu qiluvchi Ameli Pulen ismli qiz haqida hikoya qiladi.
Qahramon hayotdagi har bir voqea o‘zaro bog‘liq ekanligiga ishonch hosil qilgan. Bir kuni u bolalar “xazinalari” solingan qutichani topib oladi. Bu narsani egasiga qaytarish umidida Ameli uning voyaga yetgan egasini izlashga kirishadi va o‘zi sezmagan holda yangi hayot boshlaydi.
“1+1”, 2011
Fransua Klyuze va uning qoratanli hamkasbi Omar Si ishtirok etgan sinfiy tengsizlik va erkaklar do‘stligi haqidagi samimiy hamda hazil-mutoyibali tragikomediya.
“1+1” hikoyasi real voqealarga asoslangan bo‘lib, baxtsiz hodisa tufayli falajlanib qolgan Filipp ismli aristokratning jinoyatchi o‘tmishga ega xushchaqchaq Bakari “Driss” Bassarini parvarishchi sifatida yollagani haqida hikoya qiladi.
Uzoq vaqt davomida qahramonlar dunyoqarash va turmush tarzi farqlari tufayli o‘zaro til topa olmaydi. Biroq musiqaga bo‘lgan muhabbatlari tufayli ular bir-birini tushunish yo‘lini topadi va yaqin do‘stlarga aylanib qoladilar.
Izoh (0)