Avvalroq Toshkentda tarovih namozlari sabab ayrim ko‘chalar vaqtincha yopilishi haqida xabar berilgandi. “Toshshahartransxizmat” AJ matbuot xizmati ushbu ko‘chalarda harakatlanuvchi avtobuslar yuzasidan maʼlumot berdi.
Maʼlum qilinishicha, yopiladigan ko‘chalardan harakatlanuvchi avtobus yo‘nalishlarining harakati yondosh ko‘chalar orqali o‘zgartiriladi.
Bu qaysi avtobuslarga tegishli?
Ushbu o‘zgarishlar quyidagi sonli avtobus yo‘nalishlari qatnoviga tegishli:
50, 22, 127, 18, 106, 148,9T, 12, 32, 45, 62, 69, 70, 114, 143, 8T, 20, 27, 35, 46, 53, 73, 91, 146, 42, 43, 109, 65, 118, 120,118, 120, 38, 50,13, 56, 64, 73, 87, 114, 139,56, 118, 150, 17T, 98,18, 77, 80, 103, 135, 3,137, 161, 65, 78, 71 va 29.
Qo‘shimcha qilinishicha, ushbu yo‘nalishlarda qatnov vaqti hamda avtobuslar oraliq vaqti belgilangan vaqtdan ortib ketishi mumkin.
O‘zbekistonda ramazon oyi 1-mart, shanba kuni boshlanadi. Prezident qaroriga ko‘ra, ushbu oyda ehtiyojmandlar hamda ilm-maʼrifat yo‘lida izlanayotgan yoshlarga yordam berish bo‘yicha tashabbuslarni qo‘llab-quvvatlashga, atrof-muhitni asrash, muqaddas qadamjo, ziyoratgoh va qabristonlarni obodonlashtirish, ko‘chatlar ekishga hamda ramazon oyi bilan bog‘liq tadbirlarda me’yorga amal qilish va isrofgarchilikka yo‘l qo‘ymaslikka alohida eʼtibor beriladi.
Izoh (0)