O‘zbekiston davlat qarzi 40 mlrd dollardan oshishi, taʼlim tili o‘zbek tili bo‘lmagan sinf bitiruvchilari ham davlat tilidan imtihon topshirishi, Senator xususiy bog‘chalarda bolalarga nisbatan zo‘ravonlik holatlari yuzasidan maktabgacha va maktab taʼlimi vaziriga so‘rov yuborishi — “Daryo” nashri bugun, 27-fevralda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
“O‘zbekistonni qaytadan transformatsiya qildingiz” — Pokiston bosh vaziri Shavkat Mirziyoyev haqida
Shahboz Sharif O‘zbekiston—Pokiston sammiti yakunidagi brifingda O‘zbekistonda kambag‘allik darajasi tushib, savdo ko‘rsatkichi oshganini mo‘jiza deb atadi.
O‘zbekistonda avtomobil boshqarish huquqidan mahrum qilinganlar profilaktik nazoratga olinishi mumkin
“Huquqbuzarliklar profilaktikasi to‘g‘risida”gi qonunga o‘zgartirish va qo‘shimchalar kiritilishi kutilmoqda.
Toshkent viloyatidagi 7 ta shaharga 170 ta yangi avtobus xarid qilinadi
Jamoat transporti yetib bormagan hududlarni qamrab olgan holda 12 ta yangi yo‘nalish tashkil etiladi.
O‘zbekiston davlat qarzi 40 mlrd dollardan oshdi
Kreditlarning 84 foizi tashqi qarz hisoblanadi.
Endi taʼlim tili o‘zbek tili bo‘lmagan sinf bitiruvchilari ham davlat tilidan imtihon topshiradi
Ona tili va adabiyoti hamda davlat tilidan yakuniy davlat attestatsiyasi yozma shaklda o‘tkaziladi.
“Xavotirlanishga asos yo‘q” — Nurmat Otabekov mavsumiy respirator kasalliklar bilan bog‘liq vaziyat haqida
Ijtimoiy tarmoqlarda maktab va bog‘chalarda o‘tkir respirator virusli infeksiyalar avj olayotgani, poliklinikalar bemor bolalar bilan to‘lib ketgani haqida xabarlar tarqalgandi.
Temu O‘zbekistonda bloklanishi mumkin
Istiqbolli loyihalar milliy agentligi buning sababini ma’lum qildi.
Diniy sohadagi davlat siyosatining asosiy vazifalari belgilandi. Ular qaysilar?
Fuqarolar vijdon erkinligiga bo‘lgan huquqlarini amalga oshirishi uchun shart-sharoitlar yaratiladi.
O‘zbekistonda homiylik xayriyalarini yig‘ish tartibini buzganlar jarimaga tortilishi mumkin
Homiylik faoliyatini amalga oshirish tartibini takomillashtirishga qaratilgan qonun loyihasi jamoatchilik muhokamasiga qo‘yildi.
Yangiyo‘lda ishchisi boshiga temir dastgoh tegishi oqibatida vafot etgan korxona rahbari 2 yilga qamaldi
Voqea 2024-yilning 8-iyun kuni sodir bo‘lgan.
O‘zbekistonda chiroyli raqamli ID kartalar, pasport va haydovchilik guvohnomalari qimmat narxda beriladi
2025-yil 1-martga qadar shu kabi xizmatlarni ko‘rsatish bo‘yicha axborot tizimi ishlab chiqiladi hamda ishga tushiriladi.
Senator xususiy bog‘chalarda bolalarga nisbatan zo‘ravonlik holatlari yuzasidan maktabgacha va maktab ta’limi vaziriga so‘rov yubordi
Avvalroq Yunusobod va Mirzo Ulug‘bek tumanlaridagi xususiy bog‘chalarda zo‘ravonlik holatlari sodir bo‘lgandi.
Shavkat Mirziyoyev Xalqaro dzyudo federatsiyasi rahbariga “Do‘stlik” ordenini topshirdi
Mamlakatda dzyudo bo‘yicha xalqaro musobaqalarni muntazam o‘tkazib borish taklifi bildirildi.
Toshkentda avtobus texnik nosozlik sabab daraxtga urildi (video)
Hodisa oqibatida bir kishi jarohat olgan.
O‘zbekistonda ramazon oyi 1-martdan boshlanadi
Ushbu oyda “Ramazon – saxovat, birdamlik va bag‘rikenglik oyi” g‘oyasi asosida bir qator ishlar amalga oshiriladi.
Oliy sud huzurida Axborot texnologiyalari markazi tashkil etiladi
Davlat rahbari buning uchun sudlar va barcha aloqador tashkilotlarning axborot tizimlari integratsiyasi muhimligini, qulayliklarni odamlar sezishi kerakligini ta’kidladi.
Jurnalist Ruxsora G‘afurovaga oid sud ishi surishtiruv organiga qaytarildi
Jurnalist o‘zgalar nomiga kredit olib, uni o‘zlashtirganlikda gumon qilinayotgan sobiq bank xodimi haqida material tayyorlagan va uni efirga uzatgani ortidan mahkamaga tortilgandi.
Chinozda uka o‘z opasini o‘ldirib, 7 kun uyda saqladi
Keyin do‘stlariga telefon qilib voqea haqida xabar bergan.
Izoh (0)