Toshkent viloyati IIBB Yo‘l harakati xavfsizligi boshqarmasi Toshkent tumanida joylashgan gaz quyish shoxobchasida yuz bergan holat yuzasidan maʼlumot berdi.
Qayd etilishicha, 15-mart kuni soat taxminan 19:30 larda Toshkent tumanida joylashgan gaz quyish shoxobchasida 40 yoshli D.D.ga tegishli bo‘lgan “Gaz 322132” rusumli transport vositasiga gaz to‘ldirish vaqtida avtomashinaga o‘rnatilgan gaz ballonining “trubka”sida chaqnash sodir bo‘lgan.
Gaz ballonlar butun holatda portlamagan. Gaz balloni himoya qopqog‘i bosim bilan chiqib ketishi oqibatida gaz quyish shoxobchasi tom qismi va transport vositasiga zarar yetgan, — deyiladi xabarda.
Ta’kidlanishicha, holat natijasida fuqarolar sog‘lig‘iga ziyon yetmagan.
Bundan oldin Navoiyda Cobalt gaz balloni portlashi oqibatida 3 yoshli bola vafot etgani to‘g‘risida xabar berilgandi.
Izoh (0)