Buxoro viloyatining G‘ijduvon tumanidagi uyda gaz portladi. Holat aks etgan video ijtimoiy tarmoqlarda tarqaldi.
Unda uyning ichidan odam yongan holda yugurib chiqqanini ko‘rish mumkin. Hodisa oqibatida uyning bir qismi qulab tushgan.
Viloyat FVB matbuot xizmatining ma’lum qilishicha, 12-fevral kuni soat 22:40 larda viloyat IIBdan olingan xabarga ko‘ra, shu kuni taxminan soat 22:00 larda G‘ijduvon tumani “Guliston” MFYdagi aholi xonadonida chaqnash sodir bo‘lgan. Voqeaning taxminiy sababi fuqaroning yashash uyida gaz sizib chiqib to‘planishi hamda chiroqni yoqishi oqibatida havo gaz aralashmasi chaqnagan.
“Hodisa oqibatida yong‘in yuzaga kelmagan, jabrlanganlar va halok bo‘lganlar yo‘q”, deyiladi xabarda.
Voqea joyiga viloyat FVB va G‘ijduvon tuman IIB masʼul rahbarlari hamda 2 ta yong‘in-qutqaruv ekipaji yetib borgan.
Izoh (0)