Jizzax viloyatining G‘allaorol tumanida harakatlanib ketayotgan yuk transport vositasining bir dona gaz balloni portlab ketdi. Bu haqda IIV Yo‘l harakati xavfsizligi xizmati xabar berdi.
Qayd etilishicha, 12-may kuni 14:30 larda G‘allaorol tumani hududidan o‘tgan M39 Toshkent—Termiz xalqaro ahamiyatga ega avtomobil yo‘lining 1015-kilometrida Buxoro shahridan harakatlanib kelayotgan haydovchi A.N.ga tegishli yuk transport vositasining bir dona gaz ballon moslamasi portlab ketgan.
Hodisa oqibatida xuddi shu yo‘nalishda bo‘lgan Lacetti transport vositasining old oynasiga shikast yetgan.
Haydovchining so‘zlariga ko‘ra, hodisa gaz zapravkadan chiqib, 5 kilometr yurgach sodir bo‘lgan. Holat yuzasidan surishtiruv ishlari olib borilmoqda.
May boshlarida Sirdaryo viloyati Guliston shahrida Nexia gaz balloni portlab ketgandi. Mart oylarida esa Toshkent viloyatidagi metan zapravkada “Gazel”ning gaz ballonida chaqnash sodir bo‘lgan edi.
Izoh (0)