Toshkent viloyatidagi ishlab chiqarish korxonasi ma’muriy-xo‘jalik binosida gaz portladi. Bu haqda FVV matbuot xizmati xabar berdi.
Ma’lum qilinishicha, 5-dekabr kuni soat 07:46 da O‘rta Сhirchiq tumani, “Kim Pen Xva” MFY, Qutb Yulduzi ko‘chasida joylashgan ishlab chiqarish korxonasi ma’muriy-xo‘jalik binosida gaz-havo aralashmasining chaqnashi sodir bo‘lgan. Chaqnash natijasida yong‘in sodir bo‘lmagan.
Hodisa oqibatida 1 nafar fuqaro vafot etgan, 6 nafar fuqaro tan jarohati olib, shifoxonaga yotqizilgan.
Voqea joyiga favqulodda vaziyatlar vaziri Abdulla Qo‘ldoshev yetib bordi va uning rahbarligida vaziyat oqibatlari bartaraf etilmoqda. Shuningdek, hodisa joyiga viloyat FVB rahbariyati, tuman hokimiyati, Prokuratura, IIB, SSB, “Hududgazta’minot” rahbar xodimlari yetib borgan. Ayni vaqtda FVVning yong‘in-qutqaruv ekipajlari voqea joyida amaliy harakatlarni olib bormoqda.
-sAnvJ-Oj.jpg)
Hozirda mazkur holat yuzasidan dastlabki tergovoldi surishtiruv ishlari olib borilmoqda.
Bundan avval Buxoroda xonadonlarning birida gaz portlashi oqibatida ikki kishi vafot etgandi. Noyabr oyida e’lon qilingan ma’lumotga ko‘ra, 2024-yil boshidan buyon gaz bilan bog‘liq 74 ta holat sodir bo‘lgan. Buning oqibatida 82 kishi vafot etgan, 80 kishi turli darajadagi tan jarohatlari olgan.
Izoh (0)