Isroil mudofaa vaziri Israel Kats mamlakat armiyasi AQSH bilan kelishilgan holda Livan bilan chegaradagi bufer zonada “noma’lum muddat” qolishini ma’lum qildi.
Livan bilan chegarada “bufer zona mavjud. Biz Qo‘shma Shtatlardan ruxsat oldik, ularga xarita berdik va biz u yerda noma’lum muddatga qolamiz, dedi Kats Isroil mahalliy hokimiyat rahbarlarining konferensiyasida.
Joriy yilning 17-fevral kuni Ynet portali Isroil armiyasi o‘t ochishni to‘xtatish kelishuvi doirasida Janubiy Livandan qo‘shinlarini olib chiqishi, biroq beshta strategik pozitsiyada qolishi haqida xabar bergan edi. Kan radiostansiyasi ma’lumotlariga ko‘ra, Isroil armiyasi Livan janubidagi “Hizbulloh” tuzilmalari faolligining qayta tiklanishiga yo‘l qo‘ymaslik uchun ushbu beshta pozitsiyada qolmoqda.
2024-yil 27-noyabrda Amerika–Fransiya vositachiligida tuzilgan yarashuv kelishuvi Livan armiyasini BMT tinchlikparvar kuchlari ko‘magida butun janubiy chegara bo‘ylab joylashtirishni va “Hizbulloh” tuzilmalarini Litani daryosi ortiga olib o‘tishni nazarda tutgan.
Shu bilan birga, Isroil 60 kungacha bo‘lgan muddatda o‘z qo‘shinlarini Livan janubidan olib chiqib ketishi kerak edi. Joriy yilning 27-yanvar kuni Oq uy Isroil bo‘linmalarini Livan hududidan olib chiqish muddatlari bo‘yicha kelishuvni 18-fevralgacha uzaytirish bo‘yicha kelishuvga erishilganini ma’lum qildi.
Izoh (0)