Madridning “Real” klubi bosh murabbiyi Karlo Anchelotti Chempionlar Ligasining pley-off bosqichi o‘tish o‘yinining javob bahsi oldidan “Manchester Siti”ning ispaniyalik bosh murabbiyi Xosep Gvardiola haqida fikr bildirdi.
“Men Gvardiolani qarshimizda ko‘rishdan charchadim. Uni hamon fantastik murabbiy deb bilaman, lekin unga qarshi o‘ynashdan charchadim. Ammo uning murabbiy faoliyatini kuzatish har doim yoqimli”, deya Anchelottining so‘zlarini keltiradi Eurosport.
Ma’lumot uchun, jamoalar o‘rtasidagi dastlabki uchrashuv Gvardiola shogirdlarining 2:3 hisobidagi mag‘lubiyati bilan yakunlangan edi. Javob o‘yini bugun, 19-fevral kuni bo‘lib o‘tadi.
Ushbu ikki murabbiy 13 ta uchrashuvda to‘qnash kelgan. Bahslarning 6 tasida Gvardiola jamoasi ustun kelgan, ikki uchrashuvda durang qayd etilgan. 5 ta bahs italiyalik murabbiy ustunligida yakunlangan.
Izoh (0)