“Nyukasl” klubiga qarshi o‘yin oldidan matbuot anjumanida Gvardioladan Akanji jarohatidan so‘ng o‘ng qanot himoyasida kim o‘ynashi mumkinligi haqidagi savolga javob berdi.
“Bizda Riko bor, Mateus bor. Shuningdek, Abduqodir ham bor, biroq u bu chiziqda o‘ynay oladimi yoki yo‘qmi hali bilmayman. Yordam beradiganlar yetarli. Kim tushishi biz qanday taktik uslubda o‘ynashimizga bog‘liq. Ko‘ramiz hali o‘ylashga vaqtimiz yetarli”, deya fikr bildirdi Gvardiola.
Ma’lumot uchun, 11-fevral kuni bo‘lib o‘tgan Chempionlar Ligasi pley-off bosqichining dastlabki o‘yinida “Siti” “qirollik klubi”ga 2:3 hisobida mag‘lubiyatga uchradi. Ushbu uchrashuvda Akanji jarohat oldi va kamida 2 haftaga safdan chiqqani ma’lum bo‘ldi.
Bugun, 15-fevral kuni APLning 25-turidan olgan uchrashuvda “Siti” o‘z maydonida “Nyukasl”ga qarshi to‘p suradi.
Izoh (0)