“Manchester Siti” bosh murabbiyi Xosep Gvardiola APLning 24-turida “Arsenal”ga uchrashuvda yirik hisobda uchralgan mag‘lubiyat haqida fikr bildirdi.
“Bunday o‘yindan keyin darhol biror so‘z topish qiyin. G‘ururimiz toptaldi. Uchrashuvni tomosha qilishga kelgan muxlislardan uzr so‘rayman. Oxirgi 30 daqiqada ko‘rsatgan o‘yinimizni hech qanday oqlab bo‘lmaydi.
Bunday vaziyatda bo‘lish yoqimsiz, ayniqsa jamoang o‘z darajasida o‘yin ko‘rsata olmasa. Yaxshi o‘ynayotgan edik, hisob ham teng edi. Lekin o‘yinning yakuni meni g‘azablantirdi. Nima sababdan bunday bo‘lib ketganini hali ham tushunolmayapman. Futbolchilarda o‘yinga ishtiyoq bor edi. Barchamiz birlashishimiz kerak”, dedi Gvardiola.
Bundan tashqari, murabbiy uchrashuvdan oldin Husanov haqida ham fikr bildirgan edi.
“Qanchadan qancha top himoyachilar Husanovdek xatolarga yo‘l qo‘yadi. Men “Chelsi”ga qarshi uchrashuvdagi xato uchun Husanovni ayblamoqchi emasman.
Men uni na jamoadoshlari oldida, na shaxsan tanqid qildim. U atigi 1 marta mashg‘ulot o‘tkazib, “Chelsi”ga qarshi o‘ynadi. Yangi jamoada, boshqa tilda suhbatlashiladigan mamlakatda. Bunday sharoitda men ham APLda debyut qilsam, menga yordam berishlarini istardim.
Hozirda Husanov bilan barchasi joyida. U mashg‘ulotlarda ajoyib tarzda ishladi. U bor eʼtiborini ishga qaratgan. Barchasi joyida”, deya Gvardiolaning so‘zlarini keltiradi Goal nashri.
Ma’lumot uchun, 24-turda “Arsenal”ga qarshi o‘ynagan “shaharliklar” 1:5 hisobida mag‘lubiyatga uchradi. Abduqodir Husanov zaxirada qoldirildi.
Izoh (0)